Дәулет Серікбаев атындағы Шығыс Қазақстан мемлекеттік техникалық университеті

«КАЙДЗЕН» табысты өзгерістер стратегиясы

«КАЙДЗЕН» стратегиясы әрбір жеке қызметкер деңгейінде идея ұсынуды және оны әзірлеуді ұйғарады, бұл оның нәтижелілігін, тиімділігін және нәтижелер сапасын жақсарту мақсатында қандай-да бір үдерісті немесе тәртіптемені жаңғыртуға немесе оңтайландыруға бағытталады.

Идея төмендегідей мақсаттарға жәрдемдесу керек:

  • қандай-да бір үдерістің немесе тәртіптеменің тиімділігі мен нәтижелілігін арттыруға, сондай-ақ бұлардың нәтижелер сапасын жақсартуға;
  • көрсетілетін қызметтер және өндірілетін өнімдер құндылығын арттыруға;
  • қолда бар техникалық құралдар мен ресурстарды техникалық жағынан жаңғыртуға немесе тиімді пайдалануға;
  • кез-келген деңгейде басқаруды жетілдіруге;
  • жұмыс орнындағы еңбек жағдайын және қауіпсіздігін жақсартуға, тиімді әдістемелер енгізуге;
  • қызмет көрсету және өнім өндіру шығындарын үнемдеуге;
  • кез-келген деңгейде үдерістер және тәртіптемелер сапасы туралы объективті ақпарат алуға.

«КАЙДЗЕН» табысты өзгерістер стратегиясы 2006 жылдан бастап іске асырылып келеді. Осы уақыт аралығанда 250-ден аса идеялар ұсынылды, оның 90-ы (36%) тиімді деп саналып, іске асырылды. Тиімді деп саналып, іске асырылған идеялардың авторларын сыйақыға ұсыну туралы бұйрықтар шығарылды.