Дәулет Серікбаев атындағы Шығыс Қазақстан мемлекеттік техникалық университеті

Қазақ және орыс тілдері

Қазақ және орыс тілдері кафедрасы 2006 жылы 18 қарашадағы ректордың № 13-П бұйрығымен қазақ, орыс тілдері кафедрасы негізінде құрылған.

Кафедраның миссиясы:

Өздерінің болашақ кәсіптік қызметінде және қазіргі заман талабына сай іскери қарым-қатынас саласында алған білімдері мен машықтарын кешенді түрде пайдалана алатын болашақ мамандарды табысты әлеуметтендіру үшін қазақ және орыс тілдерін оқыту саласы бойынша сапалы білім беру қызметін ұсыну.

Кафедраның стратегиясы:

  • техникалық жоғары оқу орнының болашақ мамандарын жаңа инновациялық педагогикалық технологияларды оқыту арқылы мемлекеттік тілге және ұлтаралық қатынас тіліне дайындау сапасын арттыру;
  • кафедраның ғылыми-педагогикалық әлеуетін арттыру;
  • кафедраға бекітілген оқу пәндерінің әрдайым тәрбиелік рөлін арттыру және Тілдерді қолдану мен дамытудың  мемлекеттік бағдарламасын жүзеге асыру шараларының университетішілік Жоспарын орындау жұмыстары;
  • университеттің басқа да құрылымдарымен, мемлекеттік мекемелермен, мектептермен стратегиялық серіктестік жүйесін қалыптастыру;
  • кафедра ұжымының корпоративтік мәдениетін жетілдіру;
  • кафедраның материалды-техникалық базасын кеңейту және жаңарту.

Кадрлық әлеует:

Кафедра өз миссиясы мен стратегиялық міндеттерін жүзеге асыру үшін біліктілігі жоғары білімді мамандармен қамтамасыз етілген.

2016-2017 оқу жылы кафедраның штат саны 17 профессор-оқытушы құрамынан құралады, кафедраның ғылыми дәрежелілігі – 99 %.

Кафедра тарихы

1990 жылғы қыркүйек айында университетімізде алғаш рет «Қазақ және орыс тілдері» кафедрасы ашылды және оның бірінші меңгерушісі болып Ж.Д. Назбиев тағайындалды. 

Ал 1993 жылы жеке «Қазақ тілі» кафедрасы болып, барлық факультет мамандықтарын оқу үрдісімен қамтамасыз етті. Кафедраның алғашқы оқытушылары: А.Қ. Қонарбаева, К.М. Маселова, Р.Г. Cагидуллина. Қазақ тілі пәні барлық мамандықтарда ЖОО жоспарына сәйкес жүргізілді. Қазақ тілі 3 семестр оқытылды. Оқулықтар мен дидактикалық материалдардың жетіспеуі сияқты қиындықтарға қарамастан, оқытушылар әдістемелік құралдар мен нұсқаулар әзірлеп, студенттерге сапалы білім беруге тырысты, пәнді оқытудың әдістемесін жетілдіре түсті. Біртіндеп кафедра ғалымдармен толыға түсті.


n5

n6 n7 n8


Қазақ тілі кафедрасын аға оқытушы К.М. Маселова; филология ғылымдарының кандидаты, аға оқытушы К.Ә. Құсманова; филология ғылымдарының кандидаты О.C. Сапашев; доцент А.Қ. Қонарбаева; доцент С.Қ.Ережепова басқарды.

Кафедрада 2001 жылдан бастап 525410 - «Лингвистика» мамандығы бойынша магистратура ашылды және қазіргі таңда 6N0205 - «Филология» мамандығы бойынша магистранттарды даярлайды. Магистратураны аяқтаған соң З.Советова, Б. Жақсылықова, Н. Бақынова, А. Әбілмәжінова кафедрада жұмыс істеуге қалды. 

2006 жылы «Қазақ, орыс тілдері және ісқағаздарын жүргізу» кафедрасы болып қайта құрылды. 2007 жылдан бастап кафедраға педагогика ғылымдарының кандидаты, доцент А.К. Жанәбілова басшылық етеді. Бүгінгі таңда кафедра ұжымы көптеген жетістіктерге қол жеткізді. Жыл сайынғы мемлекеттік тілді білуден өтетін пән олимпиадасында университет командалары бас жүлдені қатарынан үш жыл иеленді. Жыр мүшайрасы, шешендер сайысы сияқты сайыстардан жүлделі орындардан көрініп жүр.
  
Жанабилова Айжан Кеңесқызы «Ресей ғалымдары және таяу шет елдері» жобасына қатысып, «Ғалымдар энциклопедиясына» кірді (Ресей).

Кафедра «Ресейдің алтын кафедрасы» конкурсына қатысып, Ресей Президиумы Жаратылыстану академиясының дипломымен және төс белгісімен марапатталды.

2015 жылы кафедра «Қазақ және орыс тілдері» болып қайта аталды. Қазіргі таңда кафедраға Г.Б. Асавбаева басшылық етуде.