6-сабақ. Тапсырмалар

1-тапсырма. Мәтінді оқып, қысқаша мазмұнын баяндаңыз.

2-тапсырма. Берілген сөздерді септеңіз және сөйлем құраңыз.

Пайда, тұтынушы, табыс, студенті, оқушым.

3-тапсырма. Берілген үлгі бойынша мәтіннен ілік, барыс, көмектес септіктеріндегі сөздерді теріп жазыңыз.

Үлгі:

ілік септік	барыс септік	көмектес септік
адамдар+дың

4-тапсырма. Көп нүктенің орнына тиісті ілік септік жалғауын қойып, берілген мәтінді көшіріп жазыңыз.

Тауарды сатып аларда, біз тауар... сапасына, түр-түсіне және міндетті түрде бағасына көңіл аударатынымыз белгілі.

Баға дегеніміз – өнім..., бұйым..., тауар..., жұмыстар..., қызметтер... ақшалай құны. Баға өндірістік шығынға, істелген еңбек мөлшеріне, орташа пайда... сомасына, сұраныс пен ұсынысқа, басқа да факторларға байланысты қалыптасады.

Баға... мынадай түрлері бар: биржалық баға, әділ баға, шартты баға, көтерме сауда бағасы, босату бағасы, сатушы бағасы, еркін баға.

Құн – тауар... бағасы немесе тауарларды, негізгі құрал жабдықты сатып алуға, жұмыстарды орындауға және қызметтерді көрсетуге, игіліктерді сатып алуға жұмсалған ақшалай шығын.

(Ш.Абдиева, Г.Бағжаева, М.Қалимолдиннің «Қазақ тілі» кітабынан )

5-тапсырма. Көп нүктенің орнына тиісті септік жалғауларын қойыңыз.

Әсет тапсырма... орындады. Олжас Ұлттық банк… жұмыс істейді. Біз... университет Серікбаев көшесі… орналасқан. Директор... орынбасары Астана… кетті. Ол оқу, білім мақал-мәтелдер… көп жаттады. Сағат сегіз… екі… дейін сабақ болады.