Құрметті студент! ҚР МЖМБС 3.08.270-2006 бойынша «Кәсіптік оқыту» мамандығы бойынша Сіз «Өнеркәсіптік өндіріс» мамандануы бойынша білім алудасыз. Сіздің біліктілігіңіз: «Өнеркәсіп өндірісі және қоршаған ортаны қорғау». Жоғарғы оқу орнын бітірген соң сізге «Кәсіптік оқыту бакалавры» академиялық дәрежесі беріледі. Сіз мына қызметтер бойынша жұмыс істей аласыз: - кәсіптік оқыту саласының мұғалімі; - орта және кәсіптік мектептерде, лицейлерде, колледждерде жұмысшы мамандықтарының кешені бойынша арнайы технологияның жалпытехникалық пәндерінің оқытушысы; - өндірістік оқытудың шебері. Сонымен қатар еңбек өтілінсіз бірінші категориялы техник қызметінде, кіші ғылыми қызметкер, инженер-лаборант болып, ғылыми-зерттеу мекемелерінде, құрастыру және жобалау ұйымдарында жұмыс істей аласыз. Жоспарға сәйкес студент жалпы білім беру, болашақ кәсіптік қызметіне қатысты, негізгі және бейімделген, жалпы білім беру пәндерін оқиды. Оқытылып жатқан пәндер және және басқа да сұрақтар бойынша толығырақ ақпаратты «Құрылыс материалдары, стандарттау, сертификаттау және кәсіптік оқыту» кафедрасынан (3 ғимарат, Шолохов көшесі, 49) және «Тіршілік әрекетінің қауіпсіздігі және қоршаған ортаны қорғау» кафедрасы (Бас ғимарат, Серікбаев көшесі, 19, Г-3-407), соңымен қатар сәулет-құрылыс факультетінің деканатынан (Г-2-323, Г-2-324) біле аласыз. Сонымен қатар, ректорат сіздердің мамандықтарыңыздың студенттерімен кездесуді жоспарлап отыр, сол кезде блокқа қойылған сұрақтар талқыланады.