Құрметті Зульфия! Профессор-оқытушылар құрамы мен ғылыми қызметкерлер лауазымының орнын басу конкурсына тиісті профиль бойынша жоғары (немесе жоғары оқу орнынан кейінгі білімі) бар тұлғаларға қатысуға рұқсат етіледі. Қазақстан Республикасының «Білім беру туралы» Заңының 51 бабы 5 тармағына сәйкес білім беру ұйымдарында жұмыс істеуге педагогтік қызметіне сот үкімімен немесе медициналық қорытындымен тыйым салынған адамдар, сондай-ақ заңда белгіленген тәртіппен өтелмеген немесе алынбаған соттылығы бар адамдар жіберілмейді. Конкурс бойынша сайлануға профессор-оқытушылар құрамының бос лауазымдары, басып отырған лауазымы бойынша қайта сайланған педагогикалық қызметкерлер, сондай –ақ ғылыми қызметкерлер жатады. Мәлімет үшін: ПО құрамы лауазымының орнын басу конкурсы, ҚР Үкіметінің 17.02.2012ж. №230 қаулысымен бекітілген Жоғары оқу орнының ПО құрамы мен ғылыми қызметкерлер лауазымының конкурс бойынша орнын басу ережелеріне сәйкес, 2014ж. 9 қаңтарда «Рудный Алтай» газетінде жарияланған.