Сәлеметсіз бе, Сапаргуль! Грантқа жалпы конкурсқа қатысу үшін талапкерге кемінде 50 балл жинау қажет. Ақпараттық технологиялар және энергетика факультетінің мамандықтарының бейінді пәні математикадан кемінде 7 балл, ал қалған пәндер бойынша кемінде 4 балл жинау қажет. 2013 оқу жылында ақпараттық жүйелер мамандығына жалпы өту балы – 89, ал ауылдық квота бойынша 81 балл, есептеуіш техника және бағдарламалық қамтамасыз ету мамандығына жалпы өту балы – 83 балл, ауыл квотасы бұл мамандыққа болған жоқ. Жалпы ауылдық квота бойынша конкурс мынадай түрде өтеді: осы мамандықтар мен оқыту тілі бойынша гранттардың жалпы санының 70 пайызы жалпы конкурс тәртібімен беріледі, ал қалған 30 пайыз грантқа конкурс тек ауыл (село) жастары арасынан шыққан азаматтарға өткізіледі.