Студенттерін әлеуметтік қолдау

Университет басшылығы әр түрлі әлеуметтік санаттағы студенттердің жағдайына ерекше көңіл бөледі. Университеттің барлық факультеттерінде жүйелі түрде көп балалы отбасылар, аз қамтылған отбасылар, жетім студенттер және денсаулық мүмкіндіктері шектеулі студенттер саны туралы мәліметтер жинау жүзеге асырылады.

Университетте студенттерді әлеуметтік қорғаудың басым бағыттары болып:

  • Аз қамтылған және көп балалы отбасылардан шыққан студенттерге, мүмкіндігі шектеулі студенттерге,  жетім-студенттерге көмек көрсету және қолдау көрсету.
  • Ерекше білім беру қажеттіліктері бар студенттер үшін тең жағдай жасау және кедергісіз қол жеткізу.
  • Студенттік жатақханалардан орын алуға басым құқық алу.
  • Әлеуметтік-психологиялық көмек көрсету, әлеуметтік және медициналық көмек көрсету, барлық әлеуметтік осал санаттарға волонтерлік көмек көрсету.

Д. Серікбаев атындағы ШҚМТУ-да төмендегі студенттер білім алуда:

Мүмкіндігі шектеулі 13 студентке университетте білім алу үшін жағдай жасалған, сондай-ақ аурулардың ерекшелігін ескеретін бейімделген білім беру бағдарламалары жүзеге асырылады. Кедергісіз, қауіпсіз және ыңғайлы қозғалу үшін жағдайлар жасалған, ғимараттар мен құрылыстарға қол жеткізу қамтамасыз етілген. Бөлінген орындары бар көлік құралдарының тұрағы бар. Оқу корпустары мен жатақханалардың ғимараттары пандустармен қамтамасыз етілген,оларға кіру мүмкіндігі шектеулі адамдарға көмек көрсету үшін арнайы, жақсы бекітілген сүйеніштермен жабдықталған. Денсаулық мүмкіндігі шектеулі студенттер жалпы топтарда оқиды.

Ата-анасының қамқорлығынсыз қалған 26 студент, оның ішінде 20 студент грант оқу нысанында оқиды, 5 студент күндізгі оқу нысаны бойынша келісім шарт негізінде оқиды, оған оқуға 20% жеңілдік беріледі. Материалдық қолдау мақсатында ата-анасының қамқорлығынсыз қалған студенттер тегін тамақпен қамтамасыз етілді.

Көп балалы отбасылардан 286 студент және аз қамтылған отбасылардан 24 студент.

"Серпін-2050: Мәңгілік ел жастары-индустрияға"бағдарламасы бойынша оқитын студенттердің әлеуметтік және психологиялық бейімделуіне ерекше көңіл бөлінеді. Жатақханаларда тұру қамтамасыз етіледі, бұл әлеуметтік байланыстарды сақтауға мүмкіндік береді және олар үшін жаңа білім беру және әлеуметтік ортаға кіру процесін жеңілдетеді.

Студенттерді әлеуметтік қолдау бағдарламасы аясында университеттің медициналық орталығында тегін медициналық қызмет көрсетіледі;

2018-2019 оқу жылына көрсетілген әлеуметтік көмек:

  • Көп балалы отбасынан шыққан 76 студентке 10 000 тг көлемінде материалдық көмек көрсетілді;
  • 112 студентке университет жатақханаларында тегін тұру ұсынылды;
  • Көп балалы отбасылардан шыққан күндізгі оқу бөлімінде оқитын 19 студентке, семестр қалай өткеніне қарамастан, төлемақысына 15% жеңілдік қарастырылған.
  • Ата-анасының қамқорлығынсыз қалған оқушыларға қаржылай қолдау көрсету мақсатында тегін тамақпен қамтамасыз етілді.

2019-2020 оқу жылына көрсетілген әлеуметтік көмек:

  • 267 студентке университет жатақханаларында тегін тұру ұсынылды;
  • ҚР аумағындағы төтенше жағдай кезінде СОVID-19 байланысты жатақханада тұратын 27 студентке азық-түлік жеткізу ретінде көмек көрсетілді;
  • Нашар көретін және нашар еститін  2 студент үшін жалпы шәкіртақы үстіне  75% қосылып берілді. 
  • ҚР аумағында СОVID-19 байланысты ТЖ режиміне байланысты университеттің 1-ші курсында оқитын Моңғолия азаматы болы келетін жетім студентке 2019-2020 оқу жылының ІІ-ші семестріне шәкіртақы тағайындау түрінде әлеуметтік көмек көрсетілді.
  • "Серпін-2050: Мәңгілік Ел жастары-индустрияға" бағдарламасы бойынша білім алушы студентке оқуға 10% жеңілдік, сондай-ақ "KAZZINC" компаниясынан ақшалай қолдау түрінде көмек көрсетіліп, әрі қарай жұмысқа орналастыру және тұрғын үй ұсынуға жәрдемдеседі.
  • ҚР аумағында COVID-19 байланысты төтенше жағдай кезінде Өскемен қаласында тұратын 4 жетім студентке атаулы әлеуметтік көмек көрсетілді;
  • Жетім студент (қамқорлықта) санатына жататын студенттерге  күнделікті тамақтануға ақшалай қаражат түрінде көмек көрсетілді;

Әлеуметтік көмекке мұқтаж студенттер бойынша ақпарат 2019-2020 оқу жылы

Студенттің  статусы Барлығы Көрсетілген әлеуметтік көмек
Көпбалалы отбасы қатарынан шыққан студент 286 233
Аз қамтылған отбасы қатарынан шыққан студент 24 24
Жетім-студент 26 21
Инвалид-студенттер 13 4
ИТОГО: 349 282