Рахметуллина Сәуле Жәдігерқызы, 1970 жылы 7 тамызда Шығыс Қазақстан облысы Катонқарағай ауданы Верхберезовка ауылында дүниеге келген.

1987 жылы Өскемен қаласындағы Ахмир орта мектебін бітіріп, Ленин комсомолы атындағы Новосібір мемлекеттік университетіне "Механика, қолданбалы математика" мамандығы бойынша оқуға түсті.

1991 жылы университетті бітіріп, "Механика, қолданбалы математика" біліктілігін алды.

1991-1995 жылдары Шығыс Қазақстан мемлекеттік университетінде "Математикалық логика және информатика" кафедрасында оқытушы-тағылымдамашы, оқытушы лауазымдарында жұмыс істеді.

1995 жылдан 2004 жылға дейін Шығыс гуманитарлық институтында жұмыс істеді: "Ақпараттық жүйелер" кафедрасының оқытушысы, "Ақпараттық жүйелер" кафедрасының меңгерушісі, институт бойынша практика жетекшісі, оқу-әдістемелік орталықтың бастығы.

2004 жылдан 2007 жылға дейін Д. Серікбаев атындағы Шығыс Қазақстан техникалық университетінің (ШҚМТУ) аспирантурасында 05.13.06 "Технологиялық процестер мен өндірістерді автоматтандыру және басқару" мамандығы бойынша мемлекеттік тапсырыс бойынша өндірістен қол үзіп оқыды. 

2010 жылы кандидаттық диссертациясын сәтті қорғады, ҚР БСҒК шешімі негізінде 2011.02.26 №2 хаттамаға техника ғылымдарының кандидаты ғылыми дәрежесі берілді. 2018-2021 жылдары Томск политехникалық университетінің МВА "Жоғары білім берудегі менеджмент" бағдарламасы бойынша оқыды, 2021 жылы қауымдастырылған профессор ғылыми атағы берілді.

2007 жылдан бастап қазіргі уақытқа дейін Д. Серікбаев атындағы ШҚТУ-да төмендергі лауазымдар бойынша жұмыс атқарып келеді:

• 2007 жылдан 2010 жылға дейін – АЖ кафедрасының аға оқытушысы;
• 2012 жылдан – математикалық және компьютерлік модельдеу кафедрасының меңгерушісі;
• 2015 жылдан – Ситуациялық-талдау орталығының басшысы;
• 2016 жылдан 2017 жылға дейін – даму стратегиясы және мониторинг Департаментінің директоры;
• 2017 жылдан 2019 жылға дейін ӨЖЖ жөніндегі проректор;
• 2019 жылдан 2022 жылға дейін бірінші проректор;
• 2022 жылдан – Басқарма Төрағасы – Д. Серікбаев атындағы ШҚТУ КЕАҚ ректоры.

VIII сайланған облыстық мәслихаттың Аманат партиясынан депутаты.

ШҚО облыстық мәслихатының әлеуметтік-мәдени даму, депутаттық өкілеттіктер, әдеп және заңдылық жөніндегі тұрақты Комиссиясының төрағасы.

2015 жылы ҚР БҒМ өткізген конкурс нәтижелері бойынша "2014 жылдың үздік оқытушысы" атағына ие болды.

2020 жылы "Халық алғысы" медалімен марапатталған.

ҚР Президенті Қасым-Жомарт Кемелұлы Тоқаевтың алғыс хатымен марапатталған.

Үйленген, екі баласы бар.