Білім беру бағдарламасының мақсаты:

Қазақстан Республикасының цифрлық экожүйесін дамыту үшін бағдарламалық қамтамасыз етуді жобалау мен әзірлеудің заманауи құралдарын, әдіснамалары мен технологияларын қолдана отырып, кәсіби қызметтің инновациялық міндеттерін шешуге қабілетті, отандық және әлемдік IT-нарықтар саласында теориялық, практикалық және ғылыми білімі бар есептеу техникасы мен бағдарламалық қамтамасыз ету саласындағы магистрлерді даярлау.

Түлектердің қызметтік аймақтары:

• жоғары жүктелген  real-time қосымшаларды әзірлеу;
• үлкен деректерді өңдеудің және сақтаудың жүйелерін әзірлеу;
• ақпараттық инфрақұрылым мен АТ қауіпсіздігін қамтамасыз ету;
• желілерді, жүйелерді және серверлерді басқару;
• АТ инфрақұрылымын жобалау;
• бұлттық технологияларға негізделген шешімдерді әзірлеу;
• оқытушылық және ғылыми қызмет, жобаларды басқару, сондай-ақ біліктілікке сәйкес келетін басқа лауазымдар.

Оқыту бағыттары:

• ғылыми және педагогикалық бағыт: техникалық ғылымдар магистрі – 2 жыл.

Бейіндік пәндер:

• Алгоритмдер және деректер құрылымы;
• Деректер базасы.

Магистранттардың ғылыми-зерттеу қызметі:

Магистранттар ғылыми жұмыстар конкурстарына, жас ғалымдар мен магистранттардың республикалық және халықаралық ғылыми конференцияларына, сондай-ақ әртүрлі ғылыми және зерттеу жобалары мен оқыту курстарына белсенді қатысады.

Бағдарламалық өнімдерге авторлық куәліктер:

Магистранттардың ғылыми-зерттеу жұмыстарының нәтижелері бойынша авторлық куәліктері бар.

Қос дипломды білім беру бағдарламасы:

Қос дипломды білім беру бағдарламасы «МИФИ «Ұлттық ядролық зерттеу университетімен» бірлесіп жұмыс істейді.