Д.Серікбаев атындағы ШҚТУ-дың жоғары ІТ колледжі мен "Ашық ғылыми орталық" қоғамдық бірлестігі еліміздің зияткерлік элитасын қалыптастыру, білім беру сапасын арттыру, еңбек нарығында сұранысқа ие құзыретті бәсекеге қабілетті мамандарды даярлау, әріптестік қатынастар саласында тиімді ынтымақтастықты жолға қоюды мақсат ете отырып, екі тарап арасында ұзақ мерзімді және өзара ынтымақтастықты дамыту туралы Меморандумға қол қойды.
Меморандум өзара ынтымақтастықтың мынадай бағыттарын айқындайды:
- Дарынды балаларды дамыту бойынша ғылыми-зерттеу жобаларын іске асыру және дамыту;
- Ғылыми-әдістемелік қызмет саласындағы ынтымақтастық, оның ішінде Қазақстан, ТМД және Еуропаның жетекші спикерлерінің қатысуымен бірлескен ғылыми-әдістемелік конференциялар, семинарлар, вебинарлар, тренингтер, конкурстар, зерттеулер, тәжірибелік-ғылыми жұмыстар, форумдар, конгрестер өткізу;
- Колледж студенттері үшін пәндік білім беру кеңістігін қалыптастыру және құру;
- "Франко-Қазақстан қоғамдастығының альманахы" халықаралық журналында (Париж, Франция) дәріскерлердің, оқытушылар мен студенттердің ғылыми, әдістемелік мақалаларын, монографияларын жариялау; -Колледж студенттері мен оқытушылары үшін Ресей мен Еуропаның жетекші мектептері мен орталықтарына "Зияткерлік-тур" ғылыми-танымдық сапарларын ұйымдастыру;
- колледждің білім беру процесінің жүйесіне инновациялық педагогикалық технологиялар мен әдістерді енгізу.
