Біз Жер болашағы әрбір таңдауымызға байланысты болатын дәуірде өмір сүріп жатырмыз. Бір реттік пластик бізді барлық жерде қоршап тұр: бөтелкелер, орамалар, пакеттер. Бірақ ол қандай зиян келтіретінін білесіз бе? Жыл сайын миллиондаған тонна пластик қоршаған ортаға түсіп, топырақты, өзен-көлдерді ластап, экожүйелерге зиян келтіреді және адам денсаулығына қауіп төндіреді.
Д. Серікбаев атындағы ШҚТУ бірнеше жылдан бері қоқысты сұрыптап жинау саясатын жүзеге асырып келеді. Әсіресе пластик қалдықтарына ерекше назар аударылады. Кампуста пластик экоқораптар мен фандоматтар арқылы жиналып, қайта өңдеуге жіберіледі.
Қазақстанда бірнеше жылдан бері 3.2.1. Start! жобасы іске асырылып келеді. Бұл жоба жастарды пластикті бөліп жинауға және саналы тұтынуға шабыттандырады. Ол адамдарға қоқысты, әсіресе пластикті сұрыптауды үйретіп, тұрақты болашаққа алғашқы қадам жасауға мүмкіндік береді. Бұл жай ғана экология емес - бұл табиғатқа ұқыпты қарау мәдениеті, біз оны бірге қалыптастырамыз.
ШҚТУ - осы жобаның белсенді қатысушыларының бірі. Университет студенттер мен қызметкерлер арасында қалдықтарды сұрыптап жинау тәжірибесін кеңінен таратып, экологиялық қозғалыстың маңызды бөлігіне айналды. Экологиялық білім мен осындай бастамаларға қатысу арқылы ШҚТУ таза болашаққа зор үлес қосып келеді.
Университет жинаған бүкіл пластик қайта өңдеуге жіберіліп, екінші өмірге ие болады.
