6В07201 «Металлургия» білім беру бағдарламасы металлургия саласындағы мамандарды даярлауға арналған.

Металлургия – кендерден немесе басқа шикізаттардан металдарды алу процестерін қамтитын өнеркәсіп саласы. Біздің өңірде тау-кен металлургия кешені жеткілікті түрде дамыған және Қазақстан Республикасының өнеркәсібінде жетекші орындарға ие болып табылады.

Білім беру бағдарламасының мақсаты – бітірушіге тау-кен металлургия саласында табысты жұмыс істеуге мүмкіндік беретін, оның әлеуметтік ұтқырлығы мен еңбек нарығындағы бәсекеге қабілеттілігіне ықпал ететін жалпы мәдени және кәсіптік-арнайы құзыреттерді қалыптастыру арқылы жоғары білікті мамандарды даярлау.

Түлектердің кәсіби қызметінің объектілері – түсті металлургия кәсіпорындары, химиялық, тау-кен-химиялық және машина жасау өндірістері, салалық ғылыми-зерттеу және жобалау институттары, зауыттық зертханалар, орта кәсіби және жоғары оқу орындары.

Кәсіби қызмет саласы – өнеркәсіптік кәсіпорындардағы өндірістік-технологиялық және ұйымдастырушылық жұмыс; түсті, сирек металдарды, қорытпалар мен арнайы материалдарды алу, металдар мен қорытпаларды өңдеу, металдар мен қорытпаларды термиялық өңдеу бойынша ғылыми-зерттеу жұмысы.

Кәсіби қызметінің пәні – металлургия өнеркәсібінің технологиялық процестері, бастапқы шикізатты қайта өңдеу және жоғары тұтынушылық қасиеттері бар металл өнімдерін өндіру, металдар мен материалдарды алу және өңдеу технологиясы, құрылымы мен қасиеттерін зерттеу, тау-кен металлургия өндірісінің жабдықтары, металлургиялық өндірісті автоматты басқару жүйесі және соңғы өнім сапасын бақылау.

Кәсіби қызмет түрлері: 6B07201 – «Металлургия» мамандығы бойынша бакалаврлар келесі кәсіби қызмет түрлерін орындай алады:

• өндірістік-технологиялық;
• ұйымдастыру;
• есептік-жобалық;
• эксперименттік-зерттеу.

Кәсіби қызметінің функциялары – ғылыми-техникалық ақпаратты оқу, автоматтандырылған жобалау мен зерттеулердің стандартты пакеттері базасында процестер мен объектілерді математикалық үлгілеу, белгілі бір әдістеме бойынша эксперименттер жүргізу және нәтижелерді талдау, өлшеулер мен бақылаулар жүргізу, шолулар, есептер мен ғылыми жарияланымдарды құрастыру үшін мәліметтерді дайындау.

 Осы білім беру бағдарламасын игеру нәтижесінде бітірушіде келесі құзіреттіліктер қалыптасуы тиіс: технологиялық процестердің физика-химиялық негіздерін, шикізат құрамын және оны қайта өңдеу технологиясын білу; металлургиялық өндіріс жабдықтары мен процесстерін теориялық және технологиялық есептеу әдістерін тәжірибеде қолдана білу; Тәжірибелік зерттеулер жүргізу техникасы мен технологиясын меңгеру және зерттелетін тақырып бойынша аналитикалық шолу жасау.

Бакалавриатта оқу мақсаттары :

• Кәсіби қызмет негізінде жатқан жаратылыстану-ғылыми, математикалық және базалық білімі бар металлургия саласындағы өнеркәсіптік кәсіпорындарда бітірушіні өндірістік қызметке дайындау.
• Түлекке түсті металдар мен қорытпаларды алу технологиясы саласында теориялық білім мен практикалық дағдыларды қалыптастыру.
• Металлургиялық өндірістің технологиялық процестерін автоматтандырылған жобалау құралдарын пайдалана отырып, түлектерді жобалау қызметіне дайындау.
• Инновациялық технологияларды құру саласындағы ғылыми - зерттеу қызметінде түлектердің дағдыларын қалыптастыру: инновациялық ойлауды қалыптастыру және ғылыми-зерттеу жұмыстарын жүргізу әдістемелерін меңгеру.
• Бітірушіні өз бетімен оқытуға және жаңа кәсіби білім мен іскерлікті меңгеруге, еңбек нарығының өзгермелі жағдайында үздіксіз кәсіби өзін-өзі жетілдіруге дайындау. Түлектердің әлеуметтік-тұлғалық қасиеттерін қалыптастыру: мақсатқа талпынушылық, коммуникабельділік, топта жұмыс істей білу, төзімділік.

Оқу үдерісі

Білім алу үшін студенттерге жалпы химия, аналитикалық химия, органикалық химия, физикалық химия және арнайы пәндердің мамандандырылған зертханалары беріледі.

Дәстүрлі курс материалдарына қосымша ретінде біздің оқытушылар студенттерге арналған жаппай ашық онлайн курстарын (MOOК) әзірледі:

• Химия, Серая Н.В.
• Органикалық химия, Саурбаева Б.С.
• Металлургиялық өндіріс технологиясы, Абдулина С.А.

Іс - тәжірибелер

Оқу кезеңінде бакалавриат студенттері үшін іс - тәжірибенің келесі түрлері қарастырылған:

• Оқу тәжірибесі;
• 1-ші өндірістік тәжірибе;
• 2-ші өндірістік тәжірибе;
• Диплом алдындағы тәжірибе.

Университеттің мақсатына, міндеттеріне және миссиясына қол жеткізу үшін әлеуетті жұмыс берушілермен байланыс орнату арқылы еңбек нарығының талаптарын ескере отырып, білім беру бағдарламалары бойынша оқыту жүзеге асырылады. Бұл үшін студенттердің практикалық сабақтары кафедраның екі филиалында: «ВНИИцветмет» ҚР СММК ҰК филиалы «Казцинк» ЖШС, сондай-ақ ұзақ мерзімді келісімшарттар жасалған кәсіпорындарда – тәжірибе базаларында жүргізіледі.

Кәсіпорындар – Өндірістік тәжірибелердің негіздері

• Өскемен МК «Казцинк» ЖШС;
• «ҮМЗ» АҚ;
•  ТМК МК АҚ;
•  Риддер ТКБК «Казцинк»;
• Зырян ТКБК «Казцинк»;
• ҚР КПМС ҒО «ВНИИцветмет»;
•  «Алел» ФИК АҚ;
• «Казахмыс» корпорациясы;
• "Бақыршық тау-кен өндіру кәсіпорны" ЖШС;
• Полиметалл ЖШС;
• Казминералс.

Академиялық мобильділік

Академиялық ұтқырлық бағдарламасы бойынша мектеп студенттері Қазақстан ішінде де, шет елдерде де (Испания, Польша, Қытай, Австрия, Греция, Түркия және т.б.) академиялық ұтқырлық бағдарламаларына қатысуға мүмкіндік алады.

Олимпиадалар

Оқытушылардың жетекшілігімен «Металлургия» білім беру бағдарламасының студенттері республикалық және халықаралық маңызы бар олимпиадаларға қатысады.

КЕАҚ Торайғыров атындағы университетінде өткен «Металлургия» мамандығы бойынша жоғары оқу орындарының студенттері арасындағы Республикалық пәндік олимпиаданың ІІ кезеңінде студенттер жүлделі орындарға ие болды.

І дәрежелі дипломмен:

• Мараш Ж.А. - Д.Серікбаев атындағы Шығыс Қазақстан техникалық университетінің 3 курс студенті.

   Ғылыми жетекшілері: Жанузакова Л.Н., оқытушы;

Бахтиярова З.М., оқытушы. 

II дәрежелі дипломмен:

• Горковенко А.В. - Д.Серікбаев атындағы Шығыс Қазақстан техникалық университетінің 3 курс студенті.
• Прохоренко А.Д. - Д.Серікбаев атындағы Шығыс Қазақстан техникалық университетінің 3 курс студенті.

 Ғылыми жетекшілері: Абдулина С.А., PhD докторы, қауымдастырылған профессор.

Студенттердің ғылыми-зерттеу жұмыстары

Студенттер ғылыми-зерттеу жұмыстарына және халықаралық конференцияларға белсенді қатысады.

 

2022 жылдың 7-8 сәуірінде Д. Серікбаев атындағы Шығыс Қазақстан техникалық университетінде бірінші ректор Д. М. Серікбаевтың 100 жылдығына және екінші ректор А. К. Сидоровтың 100 жылдығына арналған екінші ректор А. К. Сидоровты еске алу "Қазақстанның инновациялық дамуының жас шығармашылығы" атты студенттер, магистранттар мен жас ғалымдардың VIІІ Халықаралық ғылыми-техникалық конференциясы өтті. № 10 "Металлургия мен пайдалы қазбаларды байытудың өзекті мәселелері" секциясында 13 мақала жарияланды.

 

Әскери кафедра

Сонымен қатар, біздің студенттер әскери кафедрада оқиды және университетті бітіргеннен кейін запастағы сержант және лейтенант атағын алады.

Спорттық белсенділік

Мектебіміздің студенттері мен оқытушылары спорттық шараларға белсене қатысады.

Әлеуметтік белсенділік

Университетте жыл сайын сенбіліктер өткізіледі, оған студенттер, университеттің барлық профессорлық-оқытушылық құрамы және қызметкерлері қатысады.

Шығармашылық белсенділік

Студенттер университеттің шығармашылық ұжымдарына белсене қатысады және жыл сайынғы байқауларда өз таланттарын ұсынады – "БІрінші курс студенттерінің таланттары", "Студенттік көктем", "Мистер және мисс ВКТУ" және т. б.

Халықаралық инженерия мектебінің 6В07201 «Металлургия» білім беру бағдарламасы ҰҚП «Атамекен» рейтингісінде 1 орынға ие болды.

БББ түлектерінің жұмысқа орналасуының жоғары көрсеткіші жұмыс берушілермен қарым-қатынастың жеткілікті деңгейін растайды. Өңірімізде тау-кен металлургия кешені жеткілікті түрде дамыған және Қазақстан Республикасының өнеркәсібінде жетекші орынға ие болғандықтан, «Металлургия» білім беру бағдарламасы бойынша кадрларды даярлау еңбек нарығының талаптарын ескере отырып, әлеуетті жұмыс берушілермен байланыс орнату арқылы жүзеге асырылады. Студенттердің тәжірибелік дайындықтары кафедраның «Казцинк» ЖШС филиалында, сондай-ақ келесі кәсіпорындардың өндірістік тәжірибе базаларында жүргізіледі: Өскемен МК «Казцинк» ЖШС, «ҮМЗ» АҚ, ТМК МК АҚ, Риддер ТКБК «Казцинк», Зырян ТКБК «Казцинк», ҚР КПМС ҒО «ВНИИцветмет», «Алел» ФИК АҚ, «Казахмыс» корпорациясы, «Бақыршық тау-кен өндіру кәсіпорны» ЖШС, Полиметалл ЖШС және Казминералс. Дайындалған жоғары білікті мамандар – түлектеріміз еліміздің тау-кен металлургия өнеркәсіптерінде табысты еңбек етуде.

Оқытушылар жыл сайын Шығыс Қазақстандағы өндірістік кәсіпорындарда біліктілігін арттыру курстарынан өтеді

Металлургия бағытының оқытушылары «Қазцинк» ЖШС Өскемен металлургиялық кешенінде «Қорғасын, мырыш және мыс: өндіріс технологиялары және сапаны басқару» тақырыбында тағылымдамадан өтті. Тағылымдаманы аяқталғаннан кейін

Өндірістік кәсіпорындарда біліктілікті арттыру мұғалімдерге кейбір педагогикалық мәселелерге жаңаша қарауға көмектесіп қана қоймай, олардың өзін-өзі жүзеге асыруына ықпал етеді, оқытатын пәндер бойынша олардың құзыреттілік деңгейін арттыруға мүмкіндік береді, сонымен қатар бәсекеге қабілеттілікті тікелей арттырады.