№1 жатақхананың жалпы ауданы 7633 ш. м. құрайды.

Университет студент жастардың өмір сүру жағдайын жақсарту және қол жетімділігін арттыру мәселесіне, Президенттің бес әлеуметтік бастамасын жүзеге асыра отырып, кешенді түрде келді. Жатақханалардағы орындарды ұлғайту мақсатында, 2019 жылы № 1 жатақхананы жаңғырту жұмыстары жүргізілді. Ғимарат 2007 жылы жайлылығы жоғары жатақхана ретінде жобаланған. Жатақхананың пайдалы және тұрғын алаңдарын қайта бөлу есебінен қазіргі бар орындарға қосымша 400 төсек-орын қамтамасыз етілді.

Жоба бойынша №1 жатақхана екі бес қабатты ғимараттан тұрады. Қазіргі уақытта жатақхананың сыйымдылығы 900 орынды құрайды. Ғимаратта кір жуатын орын, 30 орынға арналған оқу залы, интернет-сынып, демалыс бөлмелерін орналастыру қарастырылған.

Студенттерге жайлы тұру үшін екі-төрт орындық бөлмелер, ас үй және жуынатын бөлмелері бар. Бөлмелер төсектермен, тумбочкалармен, киімге арналған шкафтармен жабдықталған, сондай-ақ орындықтары бар үстел қарастырылған. Жатақханада душ бөлмелері бар, кір жуғыш машиналар (жартылай автомат) орнатылған, тұрмыстық ас үй электр плиталарымен жабдықталған.

Осылайша, жатақханада студенттердің жайлы тұруы үшін барлық жағдай жасалған.