Тау-кен металлургия кешенінің өнеркәсіптік және экологиялық қауіпсіздік жөніндегі кешенді зертханасы
Мақсаты:
Өндірістік және экологиялық тәуекелдерді бағалау, болжау және басқару үшін ғылыми-талдамалық базаны қалыптастыру және қолдау, бұл өндірістік процестердің қауіпсіздік деңгейін арттыруға, апаттылықты төмендетуге, қоршаған ортаға теріс әсерді азайтуға және кәсіпорындардың қызметін заңнама талаптары мен халықаралық стандарттарға сәйкестендіруге бағытталған.
Міндеттері:
- Тау-кен металлургия кешені нысандарында өнеркәсіптік және экологиялық қауіп факторларын зертханалық және аспаптық зерттеулер жүргізу.
- Өндірістік және экологиялық тәуекелдерді сәйкестендіру, бағалау және болжау.
- Қоршаған ортаның (ауа, су, топырақ), өндірістік ортаның жағдайын және жабдықтардың техникалық жай-күйін мониторингтеу.
- Апаттылықты, жарақаттануды және қоршаған ортаға теріс әсерді төмендету бойынша ғылыми негізделген ұсынымдарды әзірлеу және енгізу.
- Өнеркәсіптік және экологиялық қауіпсіздік бөлігінде жобалық, технологиялық және пайдалану құжаттамасына сараптама жүргізу.
- Жаңа технологияларды, материалдар мен процестерді енгізуді олардың қауіпсіздігін бағалай отырып, аналитикалық сүйемелдеу.
- Өндірістік экологиялық және өнеркәсіптік мониторингтің бақылау әдістемелерін, регламенттерін және бағдарламаларын әзірлеу.
- Оқиғалар мен апаттарды тергеуге қатысу және сараптамалық қорытындылар дайындау.
- Кәсіпорын қызметінің заңнама талаптарына, салалық нормаларға және халықаралық стандарттарға сәйкестігін қамтамасыз ету.
- Өнеркәсіптік және экологиялық қауіпсіздік мәселелері бойынша ғылыми-әдістемелік қолдау көрсету, персоналды оқыту және кеңес беру.
Тау-кен металлургия кешенінің өнеркәсіптік және экологиялық қауіпсіздік жөніндегі кешенді зертханасының қызметі:
- Тау-кен металлургия кешенінің өнеркәсіптік және экологиялық қауіпсіздік жөніндегі кешенді зертханасы өнеркәсіптік қауіпсіздік, еңбекті қорғау, экологиялық қауіпсіздік және тау-кен металлургия саласы кәсіпорындарының тұрақты дамуы бағытында іргелі және қолданбалы зерттеулер жүргізуге маманданған. Зертхананың негізгі мақсаты – техногендік және экологиялық тәуекелдерді бағалау, болжау және төмендетудің ғылыми негізделген әдістерін әзірлеу, сондай-ақ өндіріс қауіпсіздігін арттыруға және қоршаған ортаға теріс әсерді азайтуға бағытталған технологиялар мен шешімдер жасау.
- Зертхана қызметі қауіпті өндірістік факторларды зерттеуге, өндірістік жарақаттану мен апаттылықты талдауға, технологиялық процестер мен жабдықтардың сенімділігін бағалауға, сондай-ақ өнеркәсіптік қауіпсіздік пен экологиялық тәуекелдерді басқару жүйелерін әзірлеуге бағытталған. Ерекше назар мониторингтің цифрлық технологияларына, қашықтан бақылау жүйелеріне, геоақпараттық жүйелерге, математикалық модельдеуге және өндірістік қызметтің апаттық жағдайлары мен экологиялық салдарын болжау үшін жасанды интеллект әдістерін қолдануға аударылады.
- Зертханада тау-кен металлургия кәсіпорындарының атмосфералық ауаға, су ресурстарына, топыраққа және түптік шөгінділерге әсерін бағалау бойынша зерттеулер жүргізіледі; шығарындылар мен ағынды суларды тазарту әдістері, тау-кен металлургия өндірісінің қалдықтарын қайта өңдеу және кәдеге жарату технологиялары, сондай-ақ бұзылған аумақтарды рекультивациялау әдістері әзірленеді. Ластаушы заттардың көшу процестері, ауыр металдардың жиналуы және олардың экожүйелер мен халық денсаулығына әсері зерттеледі.
- Зертхананың материалдық-техникалық базасы экологиялық мониторингке арналған жабдықтарды, ауа, су және топырақ талдау құралдарын, өндірістік ортаның параметрлерін бақылау аспаптарын, ластаушы заттардың таралуын модельдеуге, апат тәуекелдерін бағалауға және технологиялық жүйелердің тұрақтылығын талдауға арналған бағдарламалық кешендерді қамтиды. Бұл далалық өлшеулер мен зертханалық талдаудан бастап модельдеу мен кәсіпорындарға арналған ұсынымдар әзірлеуге дейінгі кешенді зерттеулер жүргізуге мүмкіндік береді.
- Зертхана зерттеулерінің нәтижелері тау-кен металлургия кешені кәсіпорындарының өнеркәсіптік және экологиялық қауіпсіздік жүйелерін дамытуға, апаттылық пен экологиялық тәуекелдерді төмендетуге, ең озық қолжетімді технологияларды енгізуге, өндірістің экологиялық тиімділігін арттыруға және өнеркәсіптің тұрақты дамуын қамтамасыз етуге бағытталған. Зертхана өнеркәсіптік кәсіпорындармен, ғылыми ұйымдармен, мемлекеттік органдармен және халықаралық серіктестермен өзара іс-қимыл жасап, өнеркәсіптік және экологиялық қауіпсіздік саласында ғылыми-зерттеу және қолданбалы жобаларды жүзеге асырады.
Құрал-жабдықтар:
| № | Жабдықтың атауы | Мақсаты(жабдықты қолдану саласы) | |
|---|---|---|---|
| 1 |
|
Olympus Vanta C портативті рентгенфлуоресценттік химиялық экспресс-анализаторы |
Металдар, қорытпалар, топырақ және геохимиялық үлгілердің химиялық құрамын рентгенфлуоресценттік спектрометрия әдісімен жедел талдауға арналған |
| 2 |
|
Olympus Vanta C жұмыс станциясы |
Далалық және зертханалық жағдайларда топырақ пен кеннің ұсақ және ұнтақ тәрізді үлгілерін талдауға арналған |
| 3 |
|
Vanta Field Stand экрандалған бөлімі бар портативті сынақ стенді |
Топырақ пен кеннің ұсақ және ұнтақ тәрізді үлгілерін далалық жағдайларда талдауға арналған |
| 4 |
|
«ЭПРАМ-01» автоматты сынама алу құрылғысы |
Жұмыс орындарында, желдету жүйелерінде және газ-аэрозольді қоспалармен жоғары ластанған ауа ортасын тазарту жүйелерінде ауа сынамаларын алуға арналған |
| 5 |
|
Радонның және оның еншілес ыдырау өнімдерінің «РАМОН-РАДОН-01»- мен бір корпуста біріктірілген «РАМОН-02» радиометрі (әртүрлі орталар үшін: ауа, топырақ, су) |
Әртүрлі ортада (ауа, су, топырақ) радонның Rn-222 эквивалентті тепе-теңдік көлемдік белсенділігін және әртүрлі беттерден радон ағынын (эксхаляция) жедел анықтауға арналған |
| 6 |
|
ХЛ-340 POZIS зертханалық тоңазытқышы |
Үлгілерді сақтау үшін арналған |
| 7 |
|
ШС-80-01 СПУ кептіру шкафы |
Үлгілер мен материалдарды кептіруге арналған |
| 8 |
|
МКС-АТ1117М дозиметр-радиометрі |
Рентген және гамма-сәулеленудің амбиенттік эквивалент дозасының қуатын және дозасын, сондай-ақ ластанған беттерден альфа және бета-бөлшектер ағынының тығыздығын өлшеуге арналған |
| 9 |
|
Hanna HI93414-02 портативті лайлылық және еркін/жалпы хлор өлшегіші |
Судың сапасын өлшеуге арналған |
