11 наурыз күні 10-11 сынып оқушыларына арналған "Алтын түлек" олимпиадасының қорытынды кезеңі өңірлердегі университеттер базасында өтті.
Шығыс Қазақстан облысы бойынша "Дарын" ғылыми-практикалық орталығы мен "Зерделі" білім беру орталығымен ұйымдастырылған Математика пәнінен бұл олимпиада Сәрсен Аманжолов атындағы Шығыс Қазақстан университетінде өз мәресіне жетті.
Олимпиада жеңімпаздары 1,2,3 дәрежелі дипломдармен марапатталды, сонымен қатар жоғары оқу орындарының гранттары табысталады.
"Алтын түлек" республикалық олимпиадасының екінші турының қорытындысы бойынша 4 жылдық оқу гранты Сәрсен Аманжолов атындағы Шығыс Қазақстан университетінің Өскемен қаласының №15 орта мектебінің 11 сынып оқушысы АманжановНұрсұлтанға, Дәулет Серікбаев атындағы Шығыс Қазақстан техникалық университетінің Өскемен қаласының №47 орта мектебінің 11 сынып оқушысы Слямханова Сабина Айдосқызына, Тарбағатай ауданы Қасым Қайсенов атындағы орта мектебінің 11 сынып оқушысы Әсетов Есенжан Әсетұлына, Өскемен қаласының №5 орта мектебінің 11 сынып оқушысы Амирханов Алмасқа берілді.
«Алтын түлек» олимпиадасын өткізу жоғары сынып оқушылары үшін маңызды. Өйткені,болашақ мектеп бітірушілер әрі жоғары оқу орнына түсудің алғашқы кезеңі ретінде және өз білім, білік, іскерліктері мен дағдыларын сынап көреді, болашаққа ұмтылыс жасауға көмегін тигізеді және ауыл балаларына өте жақсы мүмкіндік.
“Алтын түлек” олимпиадасының жеңімпаздары мен грант иегерлерін құттықтай отыра, жаңа білім шыңдарын бағындыруда сәттілік тілейміз!
