2023 жылдың 20 сәуірінде «EduWeek-2023» академиялық апталығы аясында Д.Серікбаев атындағы ШҚТУ-да Гуманитарлық білім беру факультетінің оқытушылары «Cпортта дарынды балаларға арналған ШҚО олимпиада резервінің мамандандырылған мектеп-интернат-колледжі», №26, № 36 орта мектептерінің 10 сынып оқушыларына «ШҚТУ-ды таңда: үздік атан!» квест-ойынын ұйымдастырып өткізді.
Кездесу мәжіліс-залында басталды, онда мектеп декандары ЖОО-ның білім беру бағдарламалары туралы айтып өтті. Одан кейін оқушылар ЖОО-ның ғылыми зертханаларында, "Алтын Алтай" мұражайында, тренажер залында болып қайтты. Университетіміздің психолог-оқытушылары ұйымдастырған психологиялық тренингке және шет тілдері кафедрасының оқытушылары өткізген квест ойынына қатысты.
Болашақ талапкерлер үшін келешек оқу орны туралы ақпаратты мамандардың тікелей өздерінен алу мүмкіндігі аса маңызды. Болашақта бұл оларға өзінің кәсіби жолын саналы түрде таңдауға ықпал етеді. Университетімізде студенттің өзін-өзі дамытуына барлық жағдай қарастырылған. Студенттік өмір-бұл негізгі білім алу және білім беру бағдарламасынан өту ғана емес, сонымен қатар студенттің тұлға ретінде жан-жақты дамуы. ШҚТУ – өзін-өзі тануына, болашақта табысты өмір сүру үшін қажетті құзыреттерді алуға тамаша мүмкіндік екендігін бүгінгі талапкерлеріміз ескерері анық.
