Д. Серікбаев атындағы ШҚТУ жыл сайынғы «Ақылды Awards 2021» байқауының нәтижесі жарияланды. Бүгін университеттің академиялық қызмет жөніндегі проректоры Жадыра Конурбаева, ғылыми жұмыстар және цифрландыру жөніндегі проректор Наталья Денисова және Мектеп декандары Zoom платформасы арқылы конкурс қатысушыларымен кездесіп, грант иегерлерін құттықтады.
Аталған байқау «Білікті маман» бағдарламасы аясында Шығыс Қазақстан облысының білім басқармасы және ШҚО "Дарын" қосымша білім беру және дарындылықты дамыту ғылыми-әдістемелік орталығымен @shygysdaryny бірлесіп өткізілді.
Биыл аталған конкурс онлайн форматта өтіп, 21 үміткер қатысқан болатын.
Нәтижесінде 6 номинация бойынша ректордың гранттарын ең үздік деп танылғандар жеңіп алды. Олар:
- "Бизнес-Табыс» номинациясында – Бекзат Қабидешев;
- "ФИЗМАТ шыңдарды бағындырушы" – Аружан Қанатова;
- "Біз болашақтың қаласын құрамыз" – Азамат Зарылканов;
- "Жасыл энергетика" – Айшаби Бауыржанқызы;
- "Қазіргі және болашақтың сандық технологиялары"- Сабина Оралбаева;
- "Жер Қорғаушысы"- Лайля Төлеубекова.
Еске салсақ, байқауға "Алтын Белгіге" үміткер түлектер қатысты. Олар өздері туралы ақпарат беретін презентациялық бейнеролик дайындап өткізді. Комиссия сапалы видеоларды іріктеп, олар университеттің YouTube каналында жарияланып, дауыс беру процесі жүрді.Ең көп дауыс жинаған үміткерлер жеңіске жетті.
Жеңімпаздарға сәттілік тілейміз!
