Д. Серікбаев атындағы Шығыс Қазақстан техникалық университетінде British Council Kazakhstan өкілімен кездесу өтті. Қазақстанда 1994 жылдан бері жұмыс істеп келе жатқан ұйым мыңдаған студенттер, оқытушылар, саясаткерлер, ғалымдар, шығармашылық тұлғалар, кәсіпкерлермен сұхбаттасады.

Әлемнің жүздеген елімен татулық кілтін тапқан ұйым еліміздің шығыс өңірінде IELTS тестілеу орталығы филиалын ашу мүмкіндігін талқылауда. British Council Kazakhstan өкілі Луиза Ахмеджановаға университет аудиториялары, компьютерлік жабдықтары таныстырылды.

Университет басшылығымен өткен екі жақты кездесу барысында өзге де ынтымақтастық мүмкіндіктері талқыланды.