Д.Серікбаев атындағы ШҚМТУ-дің акт залында қала мектептерін бітірушілер университет студенттерімен кездесті, ЖОО-ның құрылымымен, факултеттермен, ЖОО-ға түсу ережелерімен танысты. Университет ректоры, физика-математика ғылымдарының докторы, профессор Нұрлан Мұқанұлы Темірбеков балалар алдында сөз сөйледі.
- Біздің университет – республикадағы жетекші оқу орны. 13 мамандық бойынша халықаралық аккредитациядан өтті. Бізде шетелдің атақты профессорлары дәріс оқиды. Тамаша дамыған ақпараттық-коммуникациялық технология бар, білікті оқытушылар қызмет етеді,-деді ол өз сөзінде.
Бес факультеттің декандары мамандықтар, оқудың ұйымдастырылуы туралы айтып берді. Мектеп оқушылары студенттердің әңгімелерін де ұйып тыңдады.
Кездесу қорытындысында қабылдау және университетке түсу жайында ШҚМТУ-дың қабылдау комиссиясының жауапты хатшысы Валентина Колпакова ақпарат берді. Шара барысында университет студенттері ән салып, би биледі.
