2024 жылғы 27 желтоқсанда Д. Серікбаев атындағы Шығыс Қазақстан техникалық университетінде D094 – «Ақпараттық технологиялар» дайындау бағыты бойынша 6D060200 – «Информатика» мамандығы аясында философия докторы (PhD) дәрежесіне іздену үшін Наурызбаев Бауыржан Аманғазыұлының «Математикалық есептерді шешу процесін талдауға арналған интеллектуалды өзін-өзі оқытатын жүйені әзірлеу» тақырыбындағы докторлық диссертациясын қорғауы өтті. Қорғау мемлекеттік тілде жүргізілді.
Диссертация «Alikhan Bokeikhanov University» ақпараттық технологиялар мектебінің базасында орындалған.
Ғылыми кеңесшілер:
- Ахметова Жанар Жұманқызы – философия докторы (PhD), Л.Н. Гумилев атындағы Еуразия ұлттық университетінің «Ақпараттық қауіпсіздік» кафедрасының қауымдастырылған профессоры (Астана қ., Қазақстан);
- Пак Николай Инсебович – педагогика ғылымдарының докторы, физика-математика ғылымдарының кандидаты, В.П. Астафьев атындағы Краснояр мемлекеттік педагогикалық университетінің профессоры (Красноярск қ., Ресей Федерациясы).
Жас ғалымға болашақта да шығармашылық табыстар мен ғылыми жетістіктер тілейміз!
