Сіздерді Халықаралық студенттер күнімен шын жүректен құттықтаймын!
Студенттік кезең - адам жадында ерекше естеліктерімен жатталып жаңғырып тұратын, мәңгілік ұмытылмастай өз алдына бөлек дүние. Дәл осы кезеңде болашақ мансаптың негізі қаланады, адамның өмірлік ұстанымы қалыптасады, ең маңызды капитал - білім алатын кез екені мәлім.
Мен сіздердің әрқайсыларыңызды, біздің беделді оқу орынымыздың студенттерін, ерекше мақтан тұтамын! Шаршауды білмейтін, энергияға толы жастар білім нәрімен сусындап, түрлі шараларға ат салысып, уақыттарын қызықты өткізіп, естен кетпейтіндей естеліктерімен бөлісіп жатады. Бұл мені ғана емес, оқытушыларды да қуанышқа бөлеп, шабыттандырады.
Ендеше, қызықты өмір қаһармандары, халықаралық студенттер күні құтты болсын! Әр күндеріңіз білім мен жарқын естеліктерге толы болсын! Болашақта еліміздің тұтқасын ұстар адуынды азамат атануларыңызға шын жүректен тілектеспін!
Құрметпен, Басқарма төрағасы - ректор
Сәуле Рахметуллина
