2017 жылдың 14-16 ақпан аралығында ШҚМТУ кабылдау комиссиясының жауапты хатшысы А.Б. Адылхан және «Технологиялық машиналар және көлік» кафедрасының аға оқытушысы В.В.Роговский Зырян ауданында үгіттеу жұмыстарын өткізді.

Зырян қаласына келгеннен кейін Зырян ауданының білім, дене шынықтыру және спорт бөлімінің басшысымен кездесіп, 15,16 ақпан күндеріне үгіттеу тобының жұмыс кестесі құрылды.

Д.Серікбаев атындағы ШҚМТУ өкілдері  Зырян қаласының №6, 7, 8, 9, 11, 12 (техникалық лицей) мектептерінің бітірушілерімен, Құрылыс және көлік колеледжінің, Жаңа Бұқтырма ауылының, Серебрянск қаласының  №1, 2 орта мектептерінің  түлектерімен кездесті.

Кездесу барысында оқушылардан сауалнама алынып, университет және колледж мамандықтарының презентациясы көрсетілді, 2017 жылғы ҰБТ жаңа форматы туралы ақпарат берілді. Әскери кафедрада оқу, академиялық ұтқырлық, жатаханада тұру жағдайлары туралы сұрақтар қойылды.

Барлығы 188 бітіруші арасында жұмыс өткізілді, оның 164-і ЖОО оқуларын жалғастыруға ниет білдірді.

Зырян қаласының Зырян ауданының білім, дене шынықтыру және спорт бөлімінің басшылығына және мектептердің әкімшілігіне бітірушілермен кездесу өткізуге көмек көрсеткендеріне алғыс білдіреміз!