Мәскеуде ағымдағы жылдың 26 ақпан мен 22 наурыз аралығында Жоғары экономика мектебінің «Жоғары лига» халықаралық олимпиадасы өтті. Бұл жарысқа бакалавриаттың және түрлі елдердің ЖОО-ның студенттері қатысты.
ШҚТУ-дың 3 курс студенті Демитров Даниил "Менеджмент" бағыты және "Стратегиялық менеджмент және консалтинг" бойынша олимпиадаға қатысты.
Даниил тестілеуден жоғары нәтиже алып, іріктеу кезеңінен сәтті өтті. Олимпиаданың екінші турының тапсырмалары нақты компаниялардың бизнесін талдаудан, сол компанияларды одан әрі дамыту бойынша ұсыныстар беруден тұрды, сондай-ақ тапсырмада ағылшын тілінде шағын эссе жазатын блок болды.
Қорытынды кезеңнің нәтижесі бойынша Даниил 75 балл жинады (трек бойынша қатысушылардың 89% - нан жоғары). Трек бойынша олимпиадаға қатысушылардың жалпы саны 132 адам.
Олимпиаданың жүлдегерлері мен жеңімпаздарын анықтау нәтижесінде Даниилға 3 дәрежелі диплом табысталды. Бұл дипломмен ол Мәскеудегі Жоғары Экономика мектебінің магистратурасына түсе алады. 2021 жылдың көктемінде Даниил екі халықаралық олимпиадаға қатысып жүлделі орынға ие болды! Құттықтаймыз!
