«EduWeek» академиялық апталығы аясында шет тілдер кафедрасы «I KNOW ENGLISH» ағылшын тілінен викторина - ойынын өткізді.
Іс-шараға «№36 ОМ» КММ-нің 10-сыныбының 21 оқушысы қатысты. Мақсаты-оқушылардың шет тілін үйренуге деген ынтасын арттыру.
Викторина үш раундтан тұрды: 1 раунд «English Quiz» - ағылшын тілінің грамматикасы мен лексикасын білу, 2 раунд «Riddles» - жұмбақтарды шешу және 3 раунд «General Knowledge Quiz» - жалпы білімге тест. Іс-шара ағылшын тілінде өтті.
Оқушылар ойынға белсенді қатысып, ағылшын тілін меңгерудің жақсы деңгейін көрсете отырып, сұрақтарға қызығушылықпен жауап берді. Ойын соңында барлық қатысушыларға сертификаттар табысталды.
