Достар, «EKTU дауыстары - голоса EKTU» ауқымды жобасы өз мәресіне жетті. Көптен күткен концерт өзінің әсем нөмірлерімен, кәсіби дауыстарымен және жақындары мен достарының шынайы қолдауымен есте қалатыны сөзсіз.

Финалда қатысушы бақ сынады. Әркім өзіне ұнайтын әнді таңдады. Үш апта бойы байқау финалистері өздерінің тәлімгерлері - кәсіби әншілер, музыканттармен өнер көрсетуге дайындалды.

Бас жүлде - 100 000 теңге және «Qazaqstan Дауысы» ұлттық вокалдық байқауына жолдаманы ақпараттық технологиялар және зияткерлік жүйелер Мектебінің 2 курс студенті Тимур Қабдылғазы жеңіп алды.

Айта кету керек, Тимур конкурсқа бірінші рет қатысып отырған жоқ. Өткен жылы ол жеңіске қол жеткізе алмады. Тәжірибе жинап, кәсібилігін шыңдап, биыл жоғары нәтиже көрсете алды.

Жеңісіңізбен құттықтаймыз!