Д. Серікбаев атындағы ШҚТУ 65 жылдық мерейтойына арналған «EKTU ДАУЫСТАРЫ – ГОЛОСА EKTU» ВОКАЛДЫҚ КОНКУРС ұйымдастырылды. Іс-шара «Болашақ капиталы» және «EKTU.Otbasy - әл-ауқат аумағы» жобалары шеңберінде ұйымдастырылды.
EKTU атты үлкен қарашаңырақ астындағы сыр сандық ішінде түрлі таланттар жасырулы. Күнделікті ел қатарлы жүрген студенттер, оқытушылар сахнаға шығып, ән-күй орындады.
Вокалдық конкурс университеттің білім алушылары мен қызметкерлерінің өзара іс-қимыл процесін қамтамасыз ету, сондай-ақ, университеттің ұжымдық рухани өмірін қалыптастыру мақсатында ШҚТУ базасында әр түрлі жастағы адамдар үшін әлеуметтік-коммуникативтік алаң құру және шығармашылық даму мақсатында өткізілді.
Байқау 2 кезеңнен тұрды. 13 қаңтар күні күміс көмей әншілер жеке, дуэтте, вокалды аспаптық нөмірмен сахнаға шығып, үздіктер іріктелді.
3 ақпан күні өткен ақтық байқауда жеңімпаздар анықталды.
Әділ қазылар шешімімен 322 балмен Сәулет және құрылыс мектебінің әншісі Рахатұлы Ерболат бас жеңімпаз деп танылды. 2 орынды Машина құрастыру мектебінің әншісі Жақсыгелді Жәдігер, ал үшінші орынды Жер туралы ғылым мектебінің дуэті Какенова Аяулым мен Қарысов Ақеділ иеленді.
4 орынды Ақпараттық технологиялар және зияткерлік жүйе мектебінің әншісі Советқанова Арна, 5 орынды Машина құрастыру мектебінен Харамбай Айдын, 6 орынды Жер туралы ғылым мектебінен Ларионова Ксения және 7 орынды Сәулет және құрылыс мектебінен Сайлауханова Назым иеленді.
Бірінші орынға ақшалай мадақтама және «ШҚТУ дауысы» атағы берілсе, өзге қатысушыларға сертификаттар мен ынталандыру сыйлықтары табысталды.
