2024 жылдың 2-9 қыркүйегінде Башқұртстан Республикасында (РФ) «GeoChallenge» II Халықаралық геологиялық чемпионаты өтті, оған 11 елден: Ресей Федерациясынан, Қытай Халық Республикасынан, Оңтүстік Африка, Өзбекстан, Қазақстан, Грузия, Гана, Эфиопия Федеративтік Демократиялық Республикасынан, Гвинея, Зимбабве және Мозамбик Республикаларынан 250-ден астам қатысушы жиналды.
Чемпионаттың басты мақсаты - қатысушылардың білім деңгейін арттыру, геолог мамандығын насихаттау, халықаралық байланыстарды қалыптастыру және әртүрлі елдерден келген студенттер арасында тәжірибе алмасу.
Чемпионатта университетімізден «Геология және пайдалы қазба кен орындарын барлау» БББ студенттері: Ларионова Ксения Юрьевна, Цыганкова Дарья Сергеевна, Турсунғалиев Дастан Ерболұлы, Салменбаев Эльдар Асқарұлы, Тілеухан Рахат Кеңесқанұлы, Нұртөлеу Бауырұлы. Иванова Ангелина Алексеевна қатысты.
Жетекшісі Ағалиева Бақытгүл Болатқанқызы, Жер туралы ғылымдар мектебінің аға оқытушысы.
«GeoChallenge» қорытындысы бойынша біздің студенттер Ксения Ларионова, Эльдар Салменбаев, Ангелина Иванова «Гидрогеология» номинациясында командалық 1-орынға ие болды.
Жалпыкомандалық құрамда шетелдік командалар арасында біздің студенттер 2-ші орынға ие болды.
Студенттер мен жетекшісін жеңістерімен құттықтаймыз!
Зор денсаулық және табыс тілейміз!
