14 қыркүйекте Д. Серікбаев атындағы ШҚТУ Жоғары IT колледжінде студенттермен діни экстремизм мен терроризмнің алдын алу мәселелеріне арналған ақпараттық-түсіндіру кездесуі өткізілді.
Кездесу барысында «Діни экстремизм мен терроризмге қарсы іс-қимыл» тақырыбында дәріс оқылды. Студенттерге экстремистік және террористік көріністердің мәні мен қауіптілігі, заң талаптарын сақтаудың маңызы, сондай-ақ интернетте таралатын ақпаратқа сыни көзқараспен қарау қажеттілігі туралы ақпарат берілді.
Кездесу барысында жастардың деструктивті ағымдар мен қауымдастықтарға тартылуының алдын алу, ықтимал үгіт-насихат белгілерін ажырата білу, жауапты және қауіпсіз мінез-құлық қалыптастыру мәселелеріне ерекше назар аударылды.
Іс-шара соңында студенттер талқылауға белсенді қатысып, өздерін қызықтырған сұрақтарын қойып, оларға толыққанды жауаптар мен түсіндірмелер алды.
Мұндай іс-шаралар студенттердің ақпараттық және құқықтық сауаттылығын арттыруға, қырағылығын қалыптастыруға және экстремизм мен терроризмнің кез келген көріністеріне тұрақты түрде теріс көзқарас қалыптастыруға ықпал етеді.
