Д. Серікбаев атындағы ШҚТУ жыл сайынғы «Ақылды Awards 2022» жүлдесінің нәтижесі жарияланды. 1 ақпанда өз бастауын алған жыл сайынғы тек «Алтын белгі» үміткерлері қатысатын бұл байқау өз мәресіне жетті. Бүгін университеттің мектеп/факультет декандары мен декан орынбасарлары Zoom платформасы арқылы конкурс қатысушыларымен кездесіп, грант иегерлерін құттықтады.
Аталған байқау «Білікті маман» бағдарламасы аясында Шығыс Қазақстан облысының білім басқармасымен бірлесіп өткізілді.
Биыл аталған конкурс онлайн форматта өтіп, 13 үміткер қатысты.
Нәтижесінде 4 номинация бойынша Ректор гранттарын ең үздік деп танылған түлектер жеңіп алды. Олар:
- «Бизнес-сәттілік» номинациясында - Маратова Әнел;
- «ФИЗМАТ шыңдарын бағындырушы» - Сәкен Әнел;
- «Біз болашақтың қаласын саламыз» - Макижанова Айғаным;
- «Қазіргі және болашақтың сандық технологиялары» - Рябец Никита;
Байқауға «Алтын Белгіге» үміткер түлектер қатысты. Олар өздері туралы ақпарат беретін презентациялық бейнеролик дайындап өткізді. Комиссия мүшелері сапалы видеоларды іріктеп, олар университеттің YouTube каналында жарияланып, дауыс беру процесі жүрді. Ең көп дауыс жинаған үміткерлер жеңіске жетті.
Д. Серікбаев атындағы ШҚТУ талантты талапкерлерді қабылдауға мүдделі. Әр түлектің ең жақсы техникалық университетте, ШҚТУ-да оқуға мүмкіндігі бар! Ұлттық бірыңғай тестілеуге сәттілік тілейміз және болашақ бірінші курс студенттерін Университет қабырғасында күтеміз!
