3–16 қараша аралығында Д. Серікбаев атындағы Шығыс Қазақстан техникалық университетінің № 3 жатақханасында дәстүрлі «Ең таза бөлме» тазалық конкурсы өтті. Байқаудың басты мақсаты — студенттердің тұрмыс мәдениетін қалыптастыру, жауапкершілік пен ұқыптылықты дамыту, сондай-ақ ынтымақтастықты нығайту.
Байқау барысында комиссия күн сайын бөлмелердегі тазалықты, санитарлық жағдайды, жеке кеңістікті ұйымдастыру деңгейін және жайлылықты бағалады. Әділ және мұқият тексерістен кейін әр қабат бойынша жеңімпаз бөлмелер анықталды.
Байқау жеңімпаздары:
- 214-бөлме
- 303-бөлме
- 426-бөлме
- 515-бөлме
Бұл бөлмелердің әрқайсысы жоғары деңгейдегі тазалықты, тәртіпті және ортақ мәдениетке жауапты көзқарасты көрсете алды. Жеңімпаздар грамоталар мен бағалы сыйлықтармен марапатталды.
Ұйымдастырушылар байқаудың жоғары деңгейде өтуіне үлес қосқан жатақхана старосталарына ерекше алғыс білдіреді.
