ENACTUS EKTU командасы Алматы қаласында өткен ENACTUS Kazakhstan Business Collaboration форумына қатысты. Онда еліміздің 51 оқу орнының оқушылары мен студенттері, жетекші бизнесмендер, академиялық көшбасшылар мен жас кәсіпкерлер жиналды. Қазақстанның барлық өңірлерінен келген қатысушылар тәлімгерлер мен сарапшыларға өздерінің бизнес-жоспарларын ұсынды.
Бизнес-форумның мақсаты дарынды жастардың мүмкіндіктерін кеңейту, олардың өзіндік идеяларын енгізу және бизнес-жобаларды іске асыру, жастар стартаптарын қолдау үшін бизнес-қауымдастықтар тарапынан қызығушылықты арттыру болып табылады.
Форум қорытындысы бойынша оқу жылының соңында үздік командалар өздерінің әлеуметтік-кәсіпкерлік бизнес-идеяларын Enactus Kazakhstan Ұлттық кубогында таныстыра алады. ENACTUS EKTU командасы экология мәселелерін шешуге бағытталған жобаны таныстырып, ENACTUS Kazakhstan "The best eco project" сыйлығына ие болды.
Жас көшбасшылар экология, азық-түлік, жұмысқа орналастыру, жаңа технологиялар мәселелерін шешуге, тіпті қазақ мәдениеті мен дәстүрлерін ілгерілетуге бағытталған түрлі жобаларды ұсынды.
Сонымен қатар, Қазақстан келесі жылы өтетін студенттік кәсіпкерліктің Әлемдік кубогын өткізу құқығына алғаш рет ие болды. Әлемнің үздік университеттері мен үздік командалары Астана қаласында 2024 жылы жиналатын болады.
