Өскемен қаласында Қазақстан Республикасы Сыбайлас жемқорлыққа қарсы іс-қимыл қызметінің 10 жылдығына орай өскелең ұрпақ арасында сыбайлас жемқорлыққа қарсы мәдениетті қалыптастыру мақсатында «АNTIKOR QUIZ - 2024» республикалық интеллектуалдық ойыны өтті. Іс-шараны Қазақстан Республикасы Сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаменті Сәрсен Аманжолов атындағы Шығыс Қазақстан университетімен бірлесіп өткізді.
«Сыбайлас жемқорлыққа қарсы мәдениет: табысты істер, әдістер және нәтижелер» атты республикалық семинардан бастау алған іс-шара «Адалдық - жастар таңдауы» тақырыбындағы студенттердің сурет көрмесін тамашалаумен жалғасын тапты. «АNTIKOR QUIZ - 2024» республикалық интеллектуалдық ойынына Д. Серікбаев атындағы ШҚТУ-дың «Саналы ұрпақ» клубының еріктілерінен құралған «Еркін сөз» командасы қатысты.
Атырау, Ұлытау, Жамбыл, Абай облыстарының командалары қатысқан білім додасында Д.Серікбаев атындағы ШҚТУ -дың Комплаенс-қызметінің комплаенс офицер Мықтыбаев Қуаныш Әзімжанұлы бастаған команда үздіктер қатарына еніп, арнайы мақтау қағазымен марапатталды.
