Жастардың бойында ұлттық құндылықтарды дамыту, ұлтжандылық сезімін қалыптастыру, салт-дәстүрді дәріптеу мақсатында, студенттер арасында Ұлыстың ұлы күні Наурыз мерекесіне қатысты түрлі форматтағы іс-шараларды атап өтудің маңыздылығы зор.

Осыған орай, біздің студенттер (21 БЖк, 21 ГДк), 16 наурыз күні, А.С.Пушкин атындағы Шығыс Қазақстан облыстық кітапханасында өткен «Қош келдің, Әз-Наурыз!» әдеби-музыкалық қонақжайына қатысты.

Әдеби қонақжай алаңының бағдарламасында «Наурыз - береке бастауы» - кітапхана оқырмандарымен интерактив, «Наурыз мерекесінің тарихын білеміз бе?!»: квест ойын, «Салт-дәстүрім салтанатым»: ұлттық салт-дәстүрімізге арналған викторина, «Қазақтың ұлттық ойындары - ұлтымыздың құнды мұрасы»: ұлттық ойындар жарысы «Қазақстан халықтарының ұлттық тағамдары»: ұлттық тағамдар жәрмеңкесі; «Шебердің қолы ортақ»: қолөнер бұйымдарының көрмесі және шеберлік-сағаттары; «Наурыз думан»: мерекелік құттықтауларға арналған еркін микрафон т. б. іс-шаралар өтті.

Іс-шараны Әлеуметтік-мәдени қызмет және жастар саясаты басқармасы ұйымдастырды.