Қазақстан Тәуелсіздік алған кездеріндегі тарихи өткені бүгіні және жарқын болашағы үшін, патриоттық сезімге, Отанға деген сүйіспеншілікке тәрбиелеу мақсатында Металлургия және пайдалы қазбаларды байыту мектебінің студенттік топтарында ашық кураторлық сабақтар өткізілді.
Осы орайда, 18 қараша күні 18-БЖК-1 (кураторы Даумова Г.Қ.) және 18-БЖК-2 (кураторы Азаматова Ж.К.) топтарында біріктірілген ашық кураторлық сағат өткізілді. Шара «Тәуелсіздік» атты өлең жолдарымен басталып, «Алтын бесік» әнімен жалғасты. Студенттер халқымыздың тәуелсіздікке жету жолындағы ерлік күресі мен қазіргі Қазақстанның жетістіктерін презентациямен көрсетіп, баяндады. Кураторлық сағат казақтың қасиетті қара домбырасынан төгілген «Балбырауын» күйімен жалғасты. Соңында студенттер мен қонақтар арасында Тәуелсіздік тақырыбына байланысты шағын викторина ойнатылды.
Сонымен қатар, Металлургия және пайдалы қазбаларды байыту мектебінің 19-БЖ-1 (кураторы – Ахмадиева Г.А.) тобында 16 қараша, 20-МТ-1 (кураторы – Семилуцкая О.В.) тобында 18 қараша, 21-МТК-1 (кураторы – Бахтиярова З.М.) тобында 19 қараша күндері Тәуелсіздіктің 30-жылдығына арнылған ашық кураторлық сағаттар өткізілді.
