ШҚТУ-да 2023 жылғы 17 қазанда университеттің студенттері мен экоклуб қатысушыларына арналған ҚТҚ бөлек жинау тақырыбында дәріс өтті. Іс-шара Өскемен қаласы әкімдігінің Жастар ресурстық орталығымен бірлесіп ұйымдастырылды. Биыл қалада "Жастарды ҚТҚ-ны бөлек жинауға және қалдықтарды сұрыптауға тарту арқылы қоршаған ортаны қорғау" жобасы іске асырылуда. ШҚТУ жасыл бастамаларды белсенді қолдай отырып, осындай бастамаларды насихаттауға арналған алаң ұсынады. Өткізілген дәрістің мақсаты - жастарды қоршаған ортаны қорғауға тартудың маңыздылығын насихаттау, қалдықтарды бөлек жинау туралы білімдерін арттыру және осы саладағы тәжірибелік дағдыларды дамыту болып табылады.