Жақында 2020 жылдың үздік деп танылған ЖОО оқытушыларының есімдері белгілі болды.
Республикалық "ЖОО үздік оқытушысы" байқауының жеңімпаздары қатарында Д.Серікбаева атындағы ШҚТУ мамандары да бар. Олар: Ақпараттық технологиялар және зияткерлік жүйелер Мектебінің доценті, техника ғылымдарының кандидаты Блинаева Елена Васильевна; жер және қоршаған орта туралы ғылымдар Мектебінің доценті, техника ғылымдарының кандидаты, қауымдастырылған профессор Идришева Жанат Қабылбековна және бизнес және кәсіпкерлік Мектебінің доценті, экономика ғылымдарының кандидаты, қауымдастырылған профессор Сүйеубаева Салтанат Нұрболсыновна.
Байқауға еліміздің 73 жоғары оқу орнынан барлығы 623 үміткер қатысты. "ЖОО үздік оқытушысы" атағына 150 маман ие болды. ШҚТУ ұжымы өз әріптестерін мақтан тұтады. Шын жүректен құттықтай отырып, табыстарға жете беруге тілектестік білдіреді!
