Д. Серікбаев атындағы ШҚТУ-да «Автоиндустриядағы жасыл технологиялар және тұрақты даму: Шекарасыз серіктестік» тақырыбында халықаралық онлайн дөңгелек үстел өтті. Іс-шара Hyundai Nishat Motors (Пәкістан) компаниясымен бірлесіп ұйымдастырылды. Кездесудің негізгі назарында бүгін автомобиль саласының ертеңін айқындайтын мәселелер болды: экологиялық таза технологиялар, тұрақты даму, көлік саласындағы инновациялар және заман талаптарына жауап бере алатын мамандарды даярлау. Syed Waqar Ul Hassan Gilani компания өкілінің баяндамасы ерекше қызығушылық тудырып, ол жаһандық автоиндустриядағы жасыл технологиялардың дамуына кәсіби көзқарасын ұсынды.
Дөңгелек үстел тәжірибе алмасуға, жаңа идеялар мен практикалық тәсілдерді талқылауға арналған алаңға айналып, түрлі білім беру бағдарламаларының оқытушыларын, докторанттары мен магистранттарын біріктірді. Қатысушылардың баяндамаларында өзекті ғылыми және білім беру тақырыптарымен қатар, дәл осындай шекарасыз серіктестік арқылы қуатты бастамалар мен болашағы зор жобалар туындайтынына деген сенім айқын көрініс тапты.
Кездесудің шарықтау шегі қатысушыларға сертификаттар табыстау рәсімі болды - бұл атқарылған жұмыстың маңызды әрі шабыттандыратын қорытындысы.
Hyundai Nishat Motors компаниясындағы әріптестерімізге жемісті ынтымақтастық, құнды кәсіби тәжірибе алмасу, өзара іс-қимылға ашықтық және инженерлік білім беруді дамытуға қосқан елеулі үлестері үшін шынайы алғысымызды білдіреміз. Мұндай кездесулер халықаралық байланыстарды нығайтып қана қоймай, бірлескен білім беру және ғылыми жобаларды жүзеге асыруға жаңа мүмкіндіктер ашады.
