"Республика күні" мерекесі қарсаңында жастарға әскери-патриоттық тәрбие беру аясында әскери кафедрада Алтай қаласының Сағадат Нұрмағамбетов атындағы № 8 орта мектебінің оқушыларымен кездесу өткізілді. Кездесу барысында әскери кафедраның оқу сыныптары мен зертханалары бойынша сабақтар мен экскурсиялар өткізілді.

Сабақтарды өткізу барысында әскери кафедра оқытушылары оқушыларды Қазақстан Республикасы Қарулы Күштерінің қарулануында тұрған қару-жарақ пен әскери техниканың үлгілерімен, олардың негізгі құрылымымен және техникалық деректерімен таныстырды.