Ағымдағы жылдың 23 қыркүйегі күні Д.Серікбаев атындағы Шығыс Қазақстан техникалық университетінің № 1 жатақхана студенттері мен «Үміт» еріктілер ұйымының мүшелері «Таза ойындар» эко-сенбілігіне қатысып, екінші орын иеленіп, 200 мың теңге ақшалай сый ақы алды.
«Таза ойындар» – бұл командалық ойын. Бұл сенбіліктің мақсаты тұрғындардың кең ауқымын қалалық ортаны абаттандыру және қоршаған әлемге экологиялық көзқарасты қалыптастыру, ақпараттық жағдайлар жасау және әртүрлі ұрпақтардың бірлескен еңбек қызметі арқылы тарту болып табылады. Іс-шараның міндеті қаламыздың нақты учаскесіндегі экологиялық проблеманы жою болып табылады.
Аумақты бірлесіп тазалауға 180 адам қатысты. Қатысушылар әрқайсысы 10 адамнан тұратын 18 командаға бөлініп, бір сағат ішінде 1185 қап қоқыс жинады.
