Д.Серікбаев атындағы ШҚМТУ ұжымы Наурыз мейрамын мерекеледі. Университет ректоры Жасұлан Шаймарданов ұжымды құттықтап, жаңа табыстар тіледі. ЖОО-ның студенттері ән салып, би биледі. «Престиж» көңілділер мен тапқырлар командасы өнерін көрсетіп, спортшылар күш сынасты. 

Әр факультет жақсы безендірілген киіз үй тігіп, мол дастархан жайды. Киіз үйлер байқауында 1-ші орын ақпараттық технологиялар және бизнес, 2-ші орын жер туралы ғылым, 3-ші орын инженерия факультеттеріне берілді. 

Үлкен киіз үйде бөлімдер дастархан жасады. Мұнда да байқау өткізілді, 1-ші орынға экономика және финанс басқармасының, бухгалтерия және кітапхананың столы, екінші орынға ақпараттық технологиялар және ғылыми - зерттеу және инновациялық қызмет басқармаларының, 3-ші орынға әскери кафедра мен редакциялық баспа орталығының столдары ие болды. 

Қытайдан келген университет студенті Е Ван мерекелік шара туралы былай деді:

- Мен бірінші рет ұлттық тағамдардан дәм таттым, өте ұнады. ШҚМТУ-да оқып жүргеніме қуаныштымын, мұнда көп ұлтты ұжым еңбек етеді. Қытайда тұратын сіздердің отандастарыңыз да Наурыз мерекесін көтеріңкі көңіл-күймен тойлайды.

ШҚМТУ-дың баспасөз қызметі