Магистратурада оқып жүргенде Штаттарда тағылымдамадан өттік. Кейін интерн ретінде Бельгияда бірнеше ай жергілікті компанияда бағдарламашы болдым. Тәжірибе жинай жүріп, Еуропаның түрлі аймағына саяхаттадық, - дейді Саша. – Диссертициямды қорғап, Астанаға көшкеннен кейін, IBM компаниясымен бірлесіп Бірыңғай денсаулық сақтау ақпараттық жүйесін жасаумен айналысқан компанияға бір жылымды сарп еттім. 2014 жылы қызметімнің аясын өзгерткім келді. 2017 жылға дейін IBEC Systems компаниясының ІТ жобаларды басқару саласында қызмет еттім. Команда құрамында Қазпоштадан бастап Қазақтелекомға, «Атамекен» Ұлттық Кәсіпкерлер палатасынан Еуразиялық топқа дейінгі мемлекеттік, ұлттық және трансұлтық компанияларға ондаған жобалар дайындадық. Өмір, жұмыс өз алдына қызық  болды. Командамыз Алматыда. Мен басқарушы директормен бірге клиенттердің бас кеңсесі шоғырланған Астана қаласында болдым. Мысалы, әйгілі Астаналық экономикалық форумға сайт жасадық. Кейін бұл жұмысымыз көптеген халықаралақ марапаттарға ие болды. Веб-дизайн тұрғысында да жоғары бағаланды. Кейін, "Arta Software" компаниясына ауысып, мемлекеттік, квазимемлекеттік және жеке секторларды ұйымдастыруда компанияның өнімдерін енгізу бойынша ірі жобалармен айналысатын өндірістік желіні басқардым. Біз "Бәйтерек" Ұлттық Басқарушы Холдингі және оның еншілес ұйымдарының бизнес-процестері мен қызметтерін цифрландыру бойынша керемет технологиялық шешімдер жасадық. Сондай-ақ, ІТ-инфрақұрылымы және ақпараттық қауіпсіздік тұрғысынан алғанда, Қазақстан үшін бірегей "Бәйтерек Девелопмент" АҚ үшін "Expo Residence" МТЖ-да пәтерлерді сатуды автоматтандыру жобасы іске қосылды. Мұнда пәтерлерді броньнан бастап шарт жасасуға дейінгі сатудың бүкіл процесі автоматтандырылды. Нәтижесінде, жарты сағат ішінде 30 млрд теңгеге жуық сатылым жүргіздік және мемлекеттік бюджетке қайтарылды. Ал "Бәйтерек Девелопмент" АҚ осы жобаны іске асыру есебінен таза пайданы 7,4 млрд теңгеге ұлғайтты. Сондай-ақ, CRM және ITSM жүйелерін "Қазпочта" АҚ-ға енгізіп, компанияға жылына жүздеген миллион теңге пайда әкелді. Бір жарым жылдың ішінде менің өндірістік желім 1 миллион доллардан асатын жобаларды жапты! Осылайша, маған алдымен операциялық, содан кейін компанияның Астана филиалының бас директоры қызметі ұсынылды. Алайда, 2020 жылдың соңына қарай мен жалдамалы қызметтен өз еркіммен кетуге шешім қабылдадым. Өз жобаларыммен айналысу керек екенін түсіндім. 2021 жылы ауқымды және әлеуметтік пайдасы зор, сонымен бірге медицина саласындағы коммерциялық білім беру жобасын, атап айтқанда акушер-гинекологияны жоспарлау, жүктілікті басқару, босануға және босанғаннан кейінгі кезеңге дайындық, сонымен қатар бір стартап жобасын әзірлеу және іске қосу мүмкіндігіне қол жетті. Төтелей іргелес медициналық салада жоба әзірледім.

-Спорт маған әрдайым жеңіске жетуді үйретті. Спортпен 13 жасымнан бері үзіліссіз шұғылданам, – деп атап өтті Александр. - Әр түрлі спорт түрлерімен айналыстым. Сегіз жылға жуық кәсіби жеңіл атлетикада шұғылданып, спорт шебері нормативін орындадым. Бірнеше рет биіктікке секіру бойынша республикалық жарыстардың жүлдегері атандым. Қазіргі сәтте фитнеспен, бодибилдингпен және кроссфитпен әуестенем. Бір сөзбен айтқанда, жақсы дене пішінді сақтауға тырысамын. Аптасына кемінде төрт рет жаттығамын. Спорт менің өмірімнің ажырамас бөлігіне айналды. Айтпақшы, ШҚТУ-да универсиадаларда және басқа да университетаралық жарыстарда бірнеше рет өнер көрсеткен едім.

– Мен өмірді толық сүруді және әлемдегі адамдарға барынша пайдалы болуды армандаймын, - деп Александр Саблин түйіндеді.

– Мечтаю жить полной жизнью и быть максимально полезным людям в этом мире, – резюмировал Александр Саблин.