2017 жылдың 4 ақпаны күні Д. Серікбаев атындағы Шығыс Қазақстан мемлекеттік техникалық университетіне Өскемен қаласының Назарбаев зияткерлік мектебінің, № 2 мектеп-гимназиясының, №6,7 орта мектептердің, Дарынды балаларға арналған Шығыс Қазақстан облыстық арнайы мектеп-лицей-интернатының түлектері келді.     

Факультет мамандықтарының презентациясын: жер туралы ғылымдар факультетінің деканы, т.ғ.д. Т.Рыспаев, инженерия факультеті деканының орынбасары т.ғ.к. Т.Брим, сәулет-құрылыс факультетінің деканы т.ғ.к. А. Хапин, ақпараттық технологиялар және бизнес факультетін э.ғ.д. Е.Колос жасады.  ЖТК директоры Е.Сағынғанов Жоғары техникалық колледжінің мамандықтары туралы айтып берді.

Қабылдау комиссиясының жауапты хатшысы А. Адылхан университетке түсу және мемлекеттік білім гранттарын тағайындау сайысына қатысу ережелері туралы ақпарат берді.

Оқушылар үшін университет зертханаларына экскурсиялар ұйымдастырылды. Қонақтар «Робототехника, мехатроника және электроника», «Түсті, асыл, сирек және шашыранды металдар металлургиясы», тағы басқа зертханаларды көрді.

Мектеп және колледж оқушыларын 11,18,25 қаңтарда өтетін Ашық есік күндеріне шақырамыз, басталуы сағат 10.00, мекен-жайымыз Өскемен қаласы Серікбаев көшесі 19 Бас ғимарат.