Университет қабырғасында 03-06 қаңтар аралығында 11-сынып мектеп бітіруші түлектеріне арналған үш күндік тегін «Пайдалы демалыс» атты дайындық курсы өтті.
Дайындық курсында техникалық бағыттың бейіндік ҰБТ пәндері: Қазақстан тарихы, математикалық сауаттылық, математика, физика, информатика бойынша Негізгі және инженерлік дайындық мектебінің деканы Ж. Рахметуллина бастаған аға оқытушылар күнделікті тестке дайындық жүргізді.
Сонымен қатар сабақтан тыс уақытта болашақ талапкерлерге университеттің тыныс-тіршілігімен таныстырып, факультеттер мен мектептерге, ғылыми орталықтар мен зертханаларға саяхат жасалды, білім беру бағдарламаларымен таныстырылды.
Дайындық курсы аяқталған соң Foundation деканы Г. Муслиманова оқушыларға ақ жол тілеп, сертификат табыстады.
Шығыс Қазақстан облысының Өскемен, Алтай, Серебрянск қалаларынан, Белоусовка, Жаңа Бұқтырма, Никольск, Миролюбовка, Зубовск, Украинка, Алғабас, Тарғын, Глубокое, Аққала, Көкжыра ауылдарынан келген 11-сынып мектеп бітіруші түлектері «Пайдалы демалыс» дайындық курсын ұйымдастырушылар мен сабақ берген оқытушыларға алғыстарын білдірді.
