6В07305 - «Құрылыс» білім беру бағдарламасы бойынша мамандарды даярлау кезінде ақпараттық модельдеу (BIM-модельдеу) технологияларына үлкен назар аударылады. Autodesk Revit, Autodesk Navisworks бағдарламаларын пайдалана отырып сәулеттік жобалау элементтері, Tekla Structure ғимараттар мен құрылыстардың құрылыс конструкцияларын жобалау, қазақстандық заманауи SCAD Office нормаларына бейімделген бағдарламалық кешенімен құрылыс конструкциялары есептеледі.
Кәсіби қызмет саласы:
- ғимараттар мен құрылыстарды инженерлік ізденіс, жобалау, салу, пайдалану, мониторингілеу, бағалау және реконструкциялау;
- құрылыс объектілері мен қала аумақтарын инженерлік қамтамасыз ету және жабдықтау;
- құрылыс материалдарын, бұйымдары мен конструкцияларды жинауда және өндіруде машиналар, жабдықтар мен технологиялар қолдану.
«Құрылыс» ББ түлектері келесі қызметтерді атқара алады: учаске шебері, инженер, инженер-конструктор, сапа инженері, құрылысты қадағалау инженері, ТБиОТ инженері, жөндеу инженері, инженер технолог, өндірістік зертхана бастығы, күрделі құрылыс бөлімінің бастығы, өндірістік бөлім бастығы, техникалық бөлім бастығы, жөндеу цехының бастығы, ауысым бастығы, жұмыс жүргізуші, басшы көмекшісі.
Іс жүзінде BIM технологиясын қолдану ғимараттардың өндірісі мен тіршілігін қамтамасыз етудің барлық кезеңдеріне қатысады: мәліметтер жинау, жобалау жұмыстары, құрылыс, жабдықтау, пайдалану, жөндеу жұмыстары және бұзу, яғни компьютерлік орналасуда барлық қажетті ақпарат бар: сәулет-құрылыс, технологиялық, экономикалық және т. б
