2025 жылғы 7 тамызда Д. Серікбаев атындағы Шығыс Қазақстан техникалық университетінде Өскемен гарнизонының әскери прокуратурасымен ынтымақтастық туралы Меморандумға қол қойылды.
Іс-шараға қатысты:
- Несіпқалиев Ұлан Ерғалиұлы - Басқарма мүшесі – стратегиялық даму жөніндегі проректор;
- Машекенова Әсия Хасенқызы - Басқарма мүшесі – академиялық мәселелер жөніндегі проректор;
- Нұрекенова Эльвира Собетоллақызы – Академиялық қызмет департаментінің директоры;
- Жайжатырова Меруерт Сабырқызы - Әлеуметтік және жастар саясаты департаментінің директоры;
- Манцуров Олег Александрович - әскери кафедраның бастығы;
- Қалымов Арман Николайұлы – гарнизон әскери прокурорының орынбасары, әділет подполковнигі.
Қол қойылған меморандумның негізгі мақсаты ұзақ мерзімді және өзара тиімді әріптестікті дамыту болып табылады:
- бірлескен ғылыми және білім беру іс шараларын ұйымдастыру;
- оқытушылар мен прокурорлардың біліктілігін арттыру;
- қазіргі заманғы оқу-әдістемелік материалдарды жасау;
- білім беру және прокурорлық қадағалау саласында тәжірибе алмасу;
- тағылымдамалар, семинарлар және ғылыми жобалар өткізу.
Меморандумға қол қою университет пен құқықтық тәртіп органдары арасындағы өзара іс-қимылды нығайтудағы маңызды қадам болды. Тараптар ынтымақтастықтың нақты векторларын белгіледі, бұл бәсекеге қабілетті және жоғары білікті кадрларды даярлау үшін академиялық және құқықтық салаларды тиімді біріктіруге мүмкіндік береді.
