Ағымдағы жылдың 18 сәуірінде «Edu Week -2022» Академияық апталық аясында «Қазақ, орыс тілдері» кафедрасына қарасты «Абай» клубының ұйымдастыруымен, ұлтымыздың ақиық ақыны - Мұқағали Мақатаевқа арналған «Поэзияның асқар шыңы - Мұқағали» атты поэзиялық - сазды кеш өткізілді.
Аталған кешке «Абай» клубының мүшелері, кафедра оқытушылары және арнайы шақырылған спортта дарынды балаларға арналған мектеп-интернатының 10-11 сынып оқушылары қатысты.
«Абай» клубының мүшелері ақынның өмірі мен шығармашылық мұрасына шолу жасап, поэзия әлеміне тоқталып, мәнерлеп өлеңдерін оқып, әндерін келген қонақтармен бірге шырқады. Кештің өту барысында келген оқушылармен викторина ойыны өткізіліп, Д.Серікбаев атындағы Шығыс Қазақстан техникалық университетінің логотипы бар сыйлықтар тапсырылды. Болашақ инженерлеріміз техникалық білімді меңгерумен қатар шығармашылық өнерді де бірге алып жүруге болатынын айқын көрсете білді. Қатысқан оқушылар қызығушылық танытып, өз ризашылықтарын білдірді.
