Алматы қаласында Қазақстан Жоғары Мектеп Ұлттық Ғылым Академиясы (ҚР ЖМҰҒА) Президиумының Жалпы жиналысының кезекті сессиясы өтті. Оған ғылыми-педагогикалық қауым өкілдері, жоғары оқу орындарының ректорлары, ғалымдар, өндіріс мамандары, сондай-ақ мемлекеттік органдардың, ұлттық компаниялар мен қоғамдық ұйымдардың өкілдері қатысты.
Сессияның негізгі баяндамаларының бірі ретінде Д. Серікбаев атындағы ШҚТУ Басқарма Төрағасы-ректоры, т.ғ.к., қауымдастырылған профессор, МВА, Сауле Рахметуллинаның «Инженер кадрларды даярлаудың заманауи талаптары» тақырыбындағы баяндамасы ұсынылды. Өз сөзінде ШҚТУ ректоры білім беру бағдарламаларын жаңғырту, экономиканың жаңа талаптарына сәйкес мамандар даярлауды күшейту, заманауи технологиялар мен оқыту әдістерін енгізу және жоғары оқу орындарының өндірістік кәсіпорындармен өзара байланысын нығайтудың маңыздылығына назар аударды.
Сессияның маңызды бөлімдерінің бірі еліміздің ғылыми-педагогикалық қауымының көрнекті өкілдерін марапаттау рәсімі болды. Оларға Қазақстан Жоғары Мектеп Ұлттық Ғылым Академиясының «Қазақстанның Жоғары Мектебінің Құрметті қайраткері» медалі табысталды. Марапатталғандар қатарында ШҚТУ қызметкерлері - Александр Владимирович Хапин мен Төлеген Турсунович Ипалақов та болды. Бұл награда олардың жоғары білім мен ғылымды дамытуға қосқан елеулі үлесін және осы мамандардың жоғары дайындығын айғақтайды.
Құрметті Александр Владимирович және Төлеген Турсунович!
Д. Серікбаев атындағы ШҚТУ ұжымы сіздердің еңбектеріңіз бен жетістіктеріңіздің лайықты бағалануы - ҚР ЖМҰҒА-ның «Қазақстанның Жоғары Мектебінің Құрметті қайраткері» медалімен марапатталуларыңызбен шын жүректен құттықтайды!
Бұл марапат сіздердің ғылым мен білімді дамытуға қосқан үлестеріңізді, жоғары кәсібилік пен өз істеріңізге адалдықтарыңызды көрсетеді. Сіздер әрқайсымызға үлгі болып келесіздер. Сіздердің жетістіктеріңіз студенттер мен әріптестеріңізге шабыт беріп, еңбектеріңіз ШҚТУ-дың өңірлік және республикалық деңгейде беделін арттыруға септігін тигізуде. Бұл марапат сіздердің еліміз үшін маңыздылығыңыздың кезекті айғағы болып, жаңа табыстарға мотивация болсын!
Сіздерге мықты денсаулық, сарқылмас қуат және кәсіби қызметтеріңізде табыс тілейміз! Алға қойған барлық мақсаттарыңызға жетіп, кәсіби қызметіңізден қуаныш пен қанағат табыңыздар!
Құрметпен, Д. Серікбаев атындағы ШҚТУ ұжымы
