Д. Серікбаев атындағы ШҚТУ кәсіптік бағдар берушілері Өскемен қаласының білім бөлімінің «№ 20 орта мектебі» КММ ұйымдастырған «Мамандықтар жәрмеңкесіне» қатысты.
"Радиоэлектроника және телекоммуникация" білім беру бағдарламасының 3 курс студенті Әлішер Кеңесов 11 сынып оқушыларымен «Электроника және бағдарламалау» тақырыбында шеберлік сабағын өткізді.
Іс-шарада Бизнес Мектебінің деканы Альфия Закимова "Ақылды Awards" жеңімпазы 11 сынып оқушысы Айша Темірбековаға ректор грантының сертификатын салтанатты түрде табыс етті. Сондай-ақ, университет амбассадорлары 8-11 сынып оқушылары арасында кәсіптік бағдар беру жұмыстарын жүргізді.
