ШҚМТУ-да ректор Нұрлан Темірбеков университет докторанттарымен дәстүрлі кездесу өткізді. Қазір докторантурада 50 адам оқиды. Жақсы қорғай алғандардың университетте жұмысқа қалуға мүмкіндігі бар. Былтырғы жылдың екі PhD докторы қазір университетте жұмыс істеп жүр.

Ректор мен докторанттар алдағы қорғау жөнінде бірқатар мәселелерді талқылады. Нұрлан Темірбеков диссертациялық зерттеулер жұмысы, шетелдік тағлымдамалар, докторантура түлектері болашақта қайда жұмысқа баратынын сұрап білді.

Әңгіме барысында докторанттар оқу мен тағлымдамаға қатысты сұрақтар қойып, толық жауап алды.