Д. Серікбаев атындағы Шығыс Қазақстан техникалық университетінде Өскемен жоғары политехникалық колледжінің студенттері үшін кәсіби бағдар беру кездесуі ұйымдастырылды. Іс-шара аясында болашақ талапкерлер университеттің заманауи ғылыми және білім беру орталықтарымен танысып, озық технологиялар мен кәсіби өсу мүмкіндіктері туралы бағдар алды.
Студенттерге ЖОО-ның ғылыми-зерттеу және технологиялық қызметінің жетекші бағыттары ұсынылды:
- Құрылыс саласындағы құзыреттер және технологиялар трансфері орталығы;
- Су шаруашылығы және су пайдалану саласындағы құзыреттер және технологиялар трансфері орталығы;
- Құрылыстағы BIM-жобалау ғылыми-өндірістік орталығы;
- "Smart Engineering" құзыреттілік орталығы;
- Виртуалды және кеңейтілген шындық зертханасы;
- Ғылыми орталық «Қорғаныс және функционалды жабындар».
Экскурсия студенттерге инженерлік және техникалық ғылымдар саласындағы жаңа әзірлемелермен жақынырақ танысуға, одан әрі оқыту және кәсіби өсу мүмкіндіктері туралы білуге мүмкіндік берді. Осындай іс-шаралардың арқасында жас мамандар болашақ мамандықты таңдау туралы алдын-ала шешім қабылдауға және жоғары технологиялық салалардағы жұмыс перспективаларын бағалауға мүмкіндік алады.
